«دومبىرا كۇنى مەرەكەسى جۇرەگىمىزگە جىلىلىق ۇيالاپ, جانىمىزدى جادىراتتى. ويتكەنى, سىرت كوزگە قاراپايىم مۋزىكالىق اسپاپ بولىپ كورىنەتىن دومبىرامەن وزگەشە ورنەكتەلگەن اۋەندەر مەن كۇيلەر بارشا قازاقستاندىقتاردى ۇيىستىرىپ كەلەدى. ەلباسىنىڭ باستاماسىمەن جۇزەگە اسىپ جاتقان ايتۋلى كۇن ۇلتتىق مادەنيەت پەن بىرەگەيلىكتى ساقتاۋ, قايتا جاڭعىرتۋ يدەياسىنىڭ توڭىرەگىندە قوعامدى ودان ءارى توپتاستىرا تۇسەدى. ەلدەگى يگى باستامالارعا ۇنەمى قولداۋ كورسەتىپ كەلە جاتقان ەتنومادەني بىرلەستىكتەردىڭ مۇشەلەرى بۇل مەرەكەنى اتاپ وتۋگە بەلسەنە قاتىسىپ جاتىر», دەيدى شىمكەنت قالالىق ازەربايجان ەتنومادەني بىرلەستىگى توراعاسىنىڭ ورىنباسارى ارزۋ گۋربانوۆا.
گۋلۆيرا بايتۋعانوۆا دومبىرا كۇنى تۋعان ۇلى كەلەشەكتە ايگىلى ونەر يەسى بولادى دەپ سەنەدى.
«بالا كۇنىمدە دومبىراشى بولۋدى ارماندايتىنمىن. بۇگىن اسسامبلەيا مۇشەلەرى ءبىز كۇتپەگەن قۇندى سىيلىق – قازاقتىڭ ۇلتتىق اسپابى دومبىرانى تارتۋ ەتىپ جاتىر. مۇنى جاقسىلىققا ىرىمداپ, بۇگىن دۇنيە ەسىگىن اشقان پەرزەنتىمنىڭ ەرتەڭ ەل تانيتىن ازامات بولاتىنىنا سەنەمىن», دەيدى مەرەكە كۇنى نارەستەلى بولعان انا.
ايتا كەتەيىك, شىلدەنىڭ العاشقى جەكسەنبىسىن ۇلتتىق اسپابىمىزدىڭ ءتول مەرەكەسىنە اينالدىرۋ تۋرالى شەشىم وتكەن جىلى بەلگىلەنگەن بولاتىن. قالالىق ەتنومادەني بىرلەستىكتەردىڭ وكىلدەرى ۇلتتىق بىرەگەيلىكتى ساقتاپ, قوعامدى بىرىكتىرە تۇسەتىن دومبىرا كۇنى اياسىندا ءوتىپ جاتقان بارلىق شارالارعا بەلسەنە قاتىسۋدا.
