ايماقتار • 09 شىلدە، 2019

وقۋشىلار قازبا جۇمىستارىنا قاتىستى

204 رەت كورسەتىلدى

ءوڭىردىڭ 8-10 سىنىپتا وقيتىن 160 وقۋشىسى «رۋحاني جاڭعىرۋ» باعدارلاماسى اياسىندا «كيەلى التايىم – تۋعان جەرىم» ارحەولوگيالىق جازعى مەكتەبىنە قاتىسىپ، ەلەكە سازى جانە ابلايكيت قازبا ورىندارىن تاماشالاپ قايتتى.

قۇر تاماشالاعان جوق، بەلگىلى ارحەولوگتارمەن بىرگە وزدەرى دە قورعانداردى قازۋ جۇمىستارىنا اتسالىستى. ەلەكە سازى قورىمىندا بالالار تاريح عىلىمدارىنىڭ دوكتورى، ءال-فارابي اتىنداعى قازاق ۇلتتىق ۋنيۆەرسيتەتى تاريح جانە ارحەولوگيا كا­فەدراسىنىڭ مەڭگەرۋشىسى، ارحەولوگ عاني وماروۆپەن تانىسىپ، ەمىن-ەركىن اڭگىمە-دۇكەن قۇردى. وزدەرىن تول­عاندىرعان سۇراقتارىن قويدى. ال XVII عاسىردا سالىنعان ابلايكيت بەكىنىسىندە ءا.مار­­عۇلان اتىنداعى ارحەو­­لو­گيا ينستيتۋتىنىڭ عى­لى­مي قىزمەتكەرى ەرلان قا­­زي­زوۆ پەن جاپونيانىڭ نان­تە ۋنيۆەرسيتەتىنىڭ تاريح ءجا­نە گەوگرافيا پروفەس­سورى مارك-وليۆەر پە­رۋ­دىڭ جەتەكشىلىگىمەن جاس زەرت­­­­­تەۋشىلەر قورعاننىڭ سىرتقى جانە ىشكى قابىرعاسى بو­يىن­داعى قازبا جۇمىستارىنا قا­تىستى. «وڭىرىمىزدەگى ەجەلگى قورعانداردى قازۋ كەزىندە الەم عالىمدارىن تاڭعالدىرعان سەنساتسيالىق عىلىمي-ارحەو­لوگيالىق جاڭالىقتار اشىل­عانى ءمالىم. ارحەولوگيا ءادىس­تەرىن زەرتتەۋ بالالار ءۇشىن دە وتە قىزىق. مۇنداي شارا جاس ۇرپاقتى تۋعان ولكەنىڭ مادەني-تاريحي مۇراسىمەن كە­­ڭىنەن تانىسۋعا مۇمكىندىك بەرەدى»، دەيدى «دارىن» ءوڭىر­لىك عىلىمي-پراكتيكالىق ور­تالىعى ديرەكتورىنىڭ ءمىن­دەتىن اتقارۋشى گاۋھار راحىم­جانوۆا.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار