كونە تاراز كۇمبىرى

اتالعان شاراعا اۋىلدىق ەلدى مەكەندەردەگى ونەرپاز جاس­تار ىرىك­تەلىپ الىنىپ, بايقاۋدىڭ وب­لىستىق كەزەڭىنە اۋدانداردان ون انسامبل قاتىستى. سونى­مەن قاتار كەنەن ازىرباەۆ اتىن­دا­عى جامبىل وبلىستىق فيلار­مونياسىنىڭ مۋزىكانتتارى مۇح­تارباي راحمانقۇلوۆ, داستان كورەگەن, ديدار باسىقاراەۆ جانە اداي جۇمات وبلىستىق بايقاۋدا لاۋرەات اتانعان 5 ءانسامبلدى رەسپۋبليكالىق كەزەڭگە دايىنداپ, شەبەرلىك ساعاتتارىن وتكىزدى.

ال رەسپۋبليكالىق بايقاۋدىڭ ءباسپاسوز ءماسليحاتىندا قازاق­ستاننىڭ ەڭبەك سىڭىرگەن قايرات­كەرى, قازاق ۇلتتىق ونەر ۋنيۆەر­سيتەتىنىڭ پروفەسسورى داۋرەن عىلىموۆ, قازاق ۇلتتىق ونەر ۋني­ۆەرسيتەتىنىڭ قورقىت اتا اتىنداعى عىلىمي-زەرتتەۋ ينس­تيتۋتىنىڭ قىزمەتكەرى, قا­زاق­ستاننىڭ ەڭبەك سىڭىرگەن قاي­راتكەرى, قوبىزشى القۋات قا­زاق­باەۆ, كۇيشى, كومپوزيتور, قا­زاقستاننىڭ ەڭبەك سىڭىرگەن قاي­راتكەرى ەرمۇرات ۇسە­نوۆ, كۇيشى-كومپوزيتور, قازاق­ستاننىڭ ەڭبەك سىڭىرگەن قايراتكەرى ءابدىمومىن جەلدىباەۆ قاتىستى. 

رەسپۋبليكالىق ونەر دوداسىندا ەلىمىزدىڭ ءار قيىرىنان كەلگەن 16 انسامبل باق سىناستى. بايقاۋعا 17 كۇي ۇسى­نىلىپ, «كونە تاراز كۇم­بىرى» اتتى پارتيتۋ­رالار جينا­عىنىڭ تۇساۋىن قا­زىلار القا­سىنىڭ توراعاسى, كۇيشى-كوم­پو­زيتور ءابدىمومىن جەل­دى­باەۆ پەن كۇيشى, كومپوزيتور ەرمۇرات ۇسەنوۆ كەستى. باي­قاۋدىڭ سالتاناتتى اشىلۋى تەاترلاندىرىلعان قويىلىممەن باستالدى. قويىلىمدا ىقىلاس, جامبىل, كەنەن جانە نۇرعيسا سىندى ۇلى تۇلعالاردىڭ بەي­نەلەرى سومدالدى. سونىمەن قاتار كوپشىلىك نازارىنا «تارازدان تارتۋ» اتتى بي كومپوزيتسياسى ۇسىنىلدى. ءوز كەزەگىندە جام­بىل وبلىسى اكىمىنىڭ ورىنباسارى سۇلۋشاش قۇرمانبەكوۆا بايقاۋعا قاتىسقان ۇجىمدارعا قۇتتىقتاۋ تىلەگىن جولداسا, قا­زى­لار القاسىنىڭ توراعاسى ءاب­دىمومىن جەلدىباەۆ ولارعا شىعارماشىلىق تابىس تىلەدى. 

ناتيجەسىندە باس جۇلدەنى ال­ماتى وبلىسىنان كەلگەن «سازگەن» فولكلورلى-ەتنوگرافيالىق ان­سامبلى جەڭىپ السا, 1-ورىندى نۇر-سۇلتان قالاسىنان «قور­قىت» ءداستۇرلى ساز توبى يە­لەن­دى. سونىمەن قاتار 2-ورىن كوك­شەتاۋ قالاسىنان «ايناكول» فول­كلور­لىق انسامبلىنە, شىمكەنت قالا­سىنان «تۇمار» فولكلورلىق انسامبلىنە تابىستالسا, 3-ورىن اقمولا وبلىسىنان «وقجەتپەس» فولكلورلىق انسامبلىنە, تا­راز قالاسىنان «تاراز عاسىر» فولك­لورلىق انسامبلىنە بەرىلدى. ال ىقىلاس دۇكەن ۇلى اتىنداعى جۇلدەنى قىزىلوردا وبلىسىنان «جىگەر» ەتنوستىق توبى, جامبىل جاباەۆ اتىنداعى جۇلدەنى شىعىس قازاقستان وبلىسىنان «سۇلۋ ساز» حالىقتىق ءان-بي ءانسامبلى, كەنەن ازىرباەۆ اتىنداعى جۇلدەنى كەنەن ازىرباەۆ اتىنداعى جامبىل وبلىستىق فيلارمونياسىنىڭ «الاتاۋ» فولكلورلىق ءانسامبلى, ءابدىمومىن جەلدىباەۆ اتىنداعى جۇلدەنى جامبىل وبلىسىنىڭ شۋ اۋدانىنان «اسەم اۋەن» فولكلورلىق ءانسامبلى, سادىحان اۋباكىروۆ اتىنداعى جۇلدەنى جامبىل وبلىسىنىڭ بايزاق اۋدا­نىنان «شولپان» حالىقتىق ءان-بي ءانسامبلى, التىنبەك قورازباەۆ اتىنداعى جۇلدەنى مەركى اۋدانىنان «مەركى اۋەندەرى» حالىقتىق ءان-بي ءانسامبلى يەلەندى. سونىمەن قاتار بىرقاتار جۇلدەگەرلەرگە «ۇزدىك شىعارما», «كونە تاراز كۇم­بىرى», «جامبىل وبلىسى اكىم­دىگىنىڭ مادەنيەت, ارحيۆتەر جانە قۇجاتتاما باسقارماسىنىڭ» ار­نايى جۇلدەسى جانە «كەنەن ءازىر­باەۆ اتىنداعى جامبىل وبلىس­تىق فيلارمونياسىنىڭ» ارنايى جۇلدەسى تابىس ەتىلدى. جەڭىمپازدار مەن جۇلدەگەرلەرگە ارنايى لاۋرەات بەلگىسى مەن اقشالاي سىيلىقتار بەرىلدى.