ۋنيۆەرسيادانىڭ ەكىنشى كۇنىندە دزيۋدوشى عالىمجان قىرىقباي ستۋدەنتتەر ويىنىنىڭ چەمپيونى اتاندى. جارىستىڭ فينالدىق بەلدەسۋىندە عالىمجان فرانتسيالىق حادريەن ءليۆولسيدى جەڭىپ, التىننان القا تاقتى. قولا جۇلدە – ءوزبەكستان جانە نيدەرلاند سپورتشىلارىنىڭ ەنشىسىندە. سونداي-اق ستەند اتۋشى سارسەنكۇل رىسبەكوۆا مەرگەندەر اراسىندا ءۇشىنشى ورىن يەلەنىپ, ۋنيۆەرسيادانىڭ قولا جۇلدەگەرى اتانعان.
سونىمەن قاتار ءۇشىنشى جارىس كۇنىندە گيمناسشىلار ناريمان قۇربانوۆ پەن ميلاد كاريموۆ ەل قورجىنىنا كۇمىس مەدال سالدى. گيمناستيكالىق ات سناريادىنداعى جاتتىعۋدان سىنعا تۇسكەن ناريمان ىرىكتەۋ كەزەڭىن ءۇشىنشى ورىنمەن اياقتاعان ەدى. فينالدا ول 14,700 ۇپاي جيناپ, كۇمىسكە قول جەتكىزدى. ال سپورتتىق گيمناستيكادان باسەكەگە تۇسكەن كاريمي كەرمەدەگى جاتتىعۋدا 14,675 ۇپاي جيناپ, ەكىنشى ورىن يەلەندى.
