سۋرەتتى تۇسىرگەن: ۆالەري بۋگاەۆ
كەز كەلگەن كاسىپكەر مەن ينۆەستور ءۇشىن قىزمەت كورسەتەتىن كەڭسە اشىلدى. ولار وسى جەردە ءوز جوبالارىن ۇسىنىپ, ولاردى تالقىلاي الادى
«ينۆەستورلار ءۇيىنىڭ» اشىلۋىنا وبلىس اكىمى بولات باقاۋوۆ پەن بيزنەس وكىلدەرى قاتىستى.
اشىلۋ ءراسىمى بارىسىندا بيلىك پەن بيزنەس اراسىنداعى ءوزارا ارىپتەستىك قارىم-قاتىناس جونىندە 3 مەموراندۋمعا قول قويىلدى.
ال, ەكى جىلى بۇرىن ءبىزدىڭ وڭىردەن كەتكەن «قازترانسويل» اق تىڭ الىپ عيماراتىن «سامۇرىق قازىنا» اق پەن كەلىسىمگە كەلىپ, اقىسىن 10 جىلعا ءبولىپ تولەيتىندەي ەتىپ وبلىستىق اكىمدىك ساتىپ العان كورىنەدى.
ينۆەستورلار ۇيىندە ءار ينۆەستور جوبانىڭ تولىق سۇيەمەلدەۋىن, ايماقتاعى شاعىن جانە ورتا بيزنەستى دامىتۋعا قولداۋ كورسەتەتىن قارجىلىق جانە كونسالتينگتىك مەكەمەلەردىڭ بارلىق قىزمەتتەر كەشەنىن پايدالانا الادى. ءبىر تەرەزە قاعيداتى بويىنشا كاسىپكەرلەرگە قىزمەت كورسەتۋ ءۇشىن ۇلكەن وپەراتسيالىق زال ورنالاستىرىلعان.
جەرگىلىكتى وندىرۋشىلەر ونىمدەرىنەن كورمە ۇيىمداستىرىلدى. قازىرگى تاڭدا ينۆەستورلار ۇيىندە «قازاگروقارجى» اق, «اۋىل شارۋاشىلىعىن قارجىلاي قولداۋ قورى» اق, «اتامەكەن» ۇلتتىق كاسىپكەرلەر پالاتاسى, «پاۆلودار» «لەۋمەتتىك-كاسىپكەرلىك كورپوراتسياسى» اق, «دامۋ» كاسىپكەرلىكتى دامىتۋ قورى, «تۇرعىن ءۇي قۇرىلىس جيناق بانكى» اق ورنالقان.
سونىمەن قاتار, قالانىڭ مەملەكەتتىك ورگاندارى مەن مەكەمەلەرىنىڭ بانكتىك قىزمەت سالاسىنداعى ۇيىمداردىڭ وكىلدەرى مەن وزگە دە مەكەمەلەر قىزمەت جاساۋدا.
