استانالىقتارعا سەرتيفيكاتتاردى قالا اكىمى التاي كولگىنوۆ تاپسىردى. ول قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىندە ايتىلعان «ءاربىر وتباسى ءۇشىن تۇرعىن ءۇي ساتىپ الۋدىڭ جاڭا مۇمكىندىكتەرى» اتتى ءبىرىنشى باستاماسىنىڭ مىندەتتەرىن ىسكە اسىرۋ اياسىندا ازىرلەنگەن «7-20-25» يپوتەكالىق باعدارلاماسىن ىسكە اسىرۋعا ەلوردا بەلسەندى ارالاسقانىن ايتىپ ءوتتى.
سەرتيفيكاتتار ەلوردادا سۇرانىسقا يە سالا ماماندارىنا, ياعني مۇعالىمدەرگە, مەديتسينا قىزمەتكەرلەرىنە جانە پوليتسەيلەرگە بەرىلدى.
بۇگىندە قالادا 17 مىڭ مۇعالىم بار, ولار بالاباقشالاردىڭ 55 مىڭ تاربيەلەنۋشىسى مەن 162 مىڭ وقۋشىسىنا ءبىلىم بەرەدى.
سونىمەن قاتار, ەلوردادا 20 مىڭ مەديتسينا قىزمەتكەرى جۇمىس ىستەيدى, ونىڭ 8 مىڭى – دارىگەر, 12 مىڭى – ورتا مەديتسينا قىزمەتكەرى.
بۇدان بولەك, قوعامدىق ءتارتىپتى كۇن سايىن 8 مىڭ پوليتسيا قىزمەتكەرى قامتاماسىز ەتەدى.
اتالعان سالا ماماندارى قالا تۇرعىندارىنا كومەك كورسەتىپ, قوعامدىق ءتارتىپ پەن قاۋىپسىزدىكتىڭ قورعالۋىن, سالاۋاتتى ءومىر سالتىن قالىپتاستىرۋعا جانە ءبىلىم ۇرپاقتى تاربيەلەۋدى قامتاماسىز ەتەدى. التاي كولگىنوۆ بيىل 1500 تۇرعىن ءۇي سەرتيفيكاتىن, ونىڭ 500-ءى بيۋدجەتتىك ۇيىمداردىڭ قىزمەتكەرلەرىنە, 1000-ى كوپبالالى وتباسىلارعا تابىس ەتىلەتىنىن ءمالىم ەتتى.
