سپورت • 05 شىلدە، 2019

جاس بالۋاندار ەلورداعا جينالدى

183 رەتكورسەتىلدى

كەشە نۇر-سۇلتاندا كۇرەس تۇرلەرىنەن كادەتتەر اراسىنداعى ازيا بىرىنشىلىگىنىڭ جالاۋى جەلبىرەدى. 7 شىلدەگە دەيىن سوزىلاتىن باسەكەگە 19 مەملەكەتتەن، ياعني قازاقستاننان بولەك، قىتاي، وڭتۇستىك كورەيا، ءۇندىستان، يران، يراك، جاپونيا، ساۋد ارابياسى، سينگاپۋر، يوردانيا، قىرعىزستان، تۇرىكمەنستان، موڭعوليا، سولتۇستىك كورەيا، سيريا، تايپەي، تاجىكستان، تايلاند جانە وزبەكستاننان كەلگەن 308 بالعىن بالۋان باق سىناپ جاتىر.

ازيا بىرىنشىلىگىنىڭ قارسا­ڭىندا ەلورداداعى «ءداۋ­لەت» سپورت كەشەنىندە رەسپۋب­لي­كالىق كۇرەس فەدەراتسياسى باسشىلىعىنىڭ قاتىسۋىمەن ءباسپاسوز ءماسليحاتى ءوتتى. جيىن­عا UWW (بىرىككەن كۇرەس الەمى) ۆيتسە-پرەزيدەنتى احرولد­جان رۋزيەۆ، UWW ازيا فە­دەراتسياسىنىڭ پرەزيدەنتى داۋلەت تۇرلىحانوۆ، UWW تەح­­ني­كالىق ديرەكتورى پيتەر با­كا، مادەنيەت جانە سپورت مي­نيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى سەرىك ساپيەۆ جانە بىرىنشىلىكتى ۇيىمداستىرۋ كومي­تەتىنىڭ توراعاسى، قازاق­ستاننىڭ كۇرەس تۇرلەرى بويىنشا ۆيتسە-پرەزيدەنتى ەرلان قوجاسباي قاتىستى.

ەڭ ءبىرىنشى بولىپ ءسوز العان UWW (بىرىككەن كۇرەس الەمى) ۆيتسە-پرەزيدەنتى احرولدجان رۋ­زيەۆ كادەتتەر اراسىنداعى ازيا ءبىرىن­شىلىگىنىڭ جوعارى دەڭگەيدە ۇيىمداستىرىلىپ جاتقانىن ايتتى. «وسىدان ەكى جىل بۇرىن ازيا چەمپيوناتى مەن الەم چەمپيوناتىن وتكىزۋدى قازاقستان استاناسىنا بەر­گە­نىمىزدە «ۇيىم­­داستىرۋ جاعى قالاي بولار ەكەن» دەگەن ىشتەي كۇدىك بولعانىن جاسىرمايمىن. ءبى­راق نۇر-سۇلتانعا كەلگەندە بىرىنشىلىكتىڭ جوعارى دەڭگەيدە ۇيىمداستىرىلعانىن كورىپ، تاڭعالدىم. كادەتتەر ارا­سىن­داعى جارىس وسى جىلدىڭ قىر­كۇيەك ايىندا وتەتىن الەم چەم­پيوناتىنا دايىندىق رە­تىندە ۇيىمداستىرىلىپ جاتىر. الەم چەمپيوناتى بۇدان دا جوعارى دارەجەدە وتەتىنىنە كو­زىم تولىق جەتىپ وتىر»، دەدى ول.

قازاقتىڭ داڭقتى بالۋانى، سەۋل وليمپياداسىنىڭ كۇمىس ءجۇل­دەگەرى، الەم جانە ەۋروپا چەم­پيونى داۋلەت تۇرلىحانوۆ كادەتتەر اراسىنداعى ازيا چەمپيوناتىنا قاتىسىپ جاتقان بالۋاندارعا ساتتىلىك تىلەپ، مۇنداي بايراقتى باسەكەنىڭ ەلى­­مىزدە ءوتىپ جاتقانى ءبىز­دىڭ ەل ءۇشىن ۇلكەن ابىروي ەك­ەنىن جەتكىزدى. «وليمپيادا باعدارلاماسىنا ەنگەن كۇرەس تۇرلەرىنەن كادەتتەر اراسىنداعى ازيا چەمپيوناتىنىڭ ەلىمىزدە ءوتىپ جاتقانىنا قۋانىشتىمىن. قا­زاقستان كۇرەس فەدەراتسياسى الەم­دە جۇيەلى ءتۇر­دە دامىپ كە­لە جاتقان فەدەرا­تسيالاردىڭ ءبىرى. مۇنى بىرىككەن كۇرەس الەمى دە مويىندايدى. بيىل قىركۇيەك ايىندا ەلوردادا الەم چەمپيوناتى وتەدى. بۇل بىرىنشىلىكتىڭ ەرەكشەلىگى – كەلەسى جىلى توكيودا وتەتىن وليمپيا ويىندارىنا جولداما بەرەدى. سونىمەن قاتار بۇل چەمپيونات قازاقستان ءۇشىن دە ەرەكشە بولماق. ويتكەنى ءبىزدىڭ گرەك-ريم بالۋاندارىنىڭ التىن جۇلدە الماعانىنا دا 20 جىل بولىپتى. بيىل بالۋاندارىمىز وسى ولقىلىقتىڭ ورنىن تولتىرىپ، التىن مەدالمەن جانكۇيەرلەردى قۋانتادى دەپ سەنەمىن»، دەدى داۋلەت تۇرلىحانوۆ.

ەلىمىزدە العاش رەت وتەتىن الەم چەمپيوناتىنا دايىندىق تۋرالى ۇيىمداستىرۋ كوميتەتىنىڭ جەتەكشىسى، گرەك-ريم، ەركىن جانە ايەلدەر كۇرەسى فەدەراتسياسىنىڭ ۆيتسە-پرەزيدەنتى ەرلان قوجاسباي ايتىپ بەردى. «قىركۇيەكتەگى چەمپيوناتقا 3500 اككرەديتاتسيادان وتكەن قاتىسۋشى كەلەدى دەپ كۇتىپ وتىرمىز. ولاردىڭ اراسىندا بالۋاندار، باپكەرلەر، دارىگەرلەر، جۋرناليستەر، حالىق­ارالىق وليمپيادا كومي­تەتىنىڭ وكىلدەرى، سپورت فۋنك­تسيونەرلەرى بار. ودان بولەك، چەمپيوناتتى تاماشالاۋ ءۇشىن كورەرمەن كوپ جينالادى دەپ ۇمىتتەنەمىز. الەمنىڭ تۇكپىر-تۇكپىرىنەن كەلەتىن كۇرەس جانكۇيەرلەرى ءبىزدىڭ رەسپۋب­ليكانىڭ باس قالاسىنا جينالاتىن بولادى. ءبىز قىتايدا وتكەن سوڭعى ازيا چەمپيو­ناتىنىڭ برودكاستينگ بويىنشا ساندىق كورسەتكىشىن سۇراتىپ الدىق. ونداعى مالىمەتكە سايكەس، تۆ جانە جەلىدەگى ۆيدەولار بويىنشا قۇرلىق بىرىنشىلىگى 430 ملن رەت قارالعان»، دەيدى فەدەراتسيانىڭ ۆيتسە-پرەزيدەنتى.

جالپى، ەلوردادا ءوتىپ جاتقان كادەتتەر اراسىنداعى ازيا چەم­­پيو­ناتىندا بالۋاندار 10 سالماق دارەجەسىندە بەلدەسۋدە. جارىستىڭ العاشقى كۇنىندە گرەك-ريم كۇرەسىنىڭ بالۋاندارى 45، 48، 51، 55، 60، 92 جانە 110 كيلو سالماقتا بەلدەسىپ، ءوزارا كىم مىق­تىنى انىقتادى. ال بۇگىن گرەك-ريم كۇرەسىنەن 65، 71، 80 كيلو سالماقتا بالۋاندار بوزكىلەمگە شىقسا، قىزدار كۇرەسىنەن 40، 46، 53، 61، 69 كيلوداعى بۇرىمدىلار سىنعا تۇسەدى.

بىلتىر وزبەكستان استاناسى تاشكەنتتە وتكەن كادەتتەر اراسىنداعى دودادا قازاقستاندىق بالۋاندار كۇرەس تۇرلەرىنەن 16 مەدال جەڭىپ العان بولاتىن. گرەك-ريم كۇرەسىنەن ەكى التىن، ءبىر كۇمىس، جەتى قولا مەدال، ەر­كىن كۇرەستەن جەتى كۇمىس جانە ءبىر قولا، ال قىزدار كۇرەسىنەن ءۇش قولا يەلەنگەن-ءدى.

 

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ولار ءۇي بەتىن كورمەي كۇرەسۋدە

ايماقتار • بۇگىن، 14:42

ۇقساس جاڭالىقتار