قالالىق پوليتسيا دەپارتامەنتىنىڭ ءباسپاسوز قىزمەتى حابارلاعانداي, دەمەۋوۆا, شەۆچۋك, دجاۋكەروۆا, اشىراليەۆ جانە تاعى باسقا ازاماتتارعا قاتىستى قر قك 405-بابى بويىنشا كەشەندى تەرگەۋ جۇمىستارى جۇرگىزىلدى.
جەدەل تەرگەۋ جۇمىستارىنىڭ ناتيجەسىندە اتالعان تۇلعالاردىڭ ادامداردى سانكتسيالانباعان ەكسترەميستىك قوزعالىسقا شاقىرعانى انىقتالدى. ءتىنتۋ كەزىندە ولاردىڭ ۇيىنەن ەكسترەميستىك مازمۇنداعى پلاكاتتار, پاراقشالار, ءتۇتىن شىعاراتىن شاشكالار, دىبىس زورايتقىشتار, اەروزول بوياۋ باللوندارى, كومپيۋتەر, بايلانىس قۇرالدارى تابىلدى.
سونىمەن قاتار, ءىرى كولەمدەگى اقشا تاركىلەندى. بۇل قاراجاتتى ولار زاڭعا قايشى اكتسيالاردى ۇيىمداستىرۋ كەزىندە پايدالانباق بولعان. تەحنيكالىق قۇرالداردان دا ەكسترەميستىك يدەيالاردى ناسيحاتتاۋ دەرەكتەرى انىقتالدى. كۇدىكتىلەردىڭ بىرقاتارى ءوز كىناسىن مويىندادى.
قازىر اتالعان ءىس بويىنشا تەرگەۋ جۇمىستارى جالعاسىپ جاتىر. ايتا كەتۋ كەرەك, وسىنىڭ الدىندا دەمەۋوۆا, شەۆچۋك, دجاۋكەروۆا, اشىراليەۆ دەگەن ازاماتتارمەن الدىن الا ءتۇسىندىرۋ اڭگىمەلەرى جۇرگىزىلگەن بولاتىن. سوندىقتان, ولاردى ۇيقاماقتا ۇستاۋ تۋرالى بۇلتارتپاۋ شاراسى قابىلداندى. تەرگەۋشىلەر شارا قولدانار كەزدە ولاردىڭ وتباسىلىق احۋالىن ەسكەرگەن ەدى.
سوڭعى تەرگەۋ جۇمىستارىنىڭ ناتيجەسىنە قاراي تەرگەۋشىلەر جوعارىداعى ازاماتتاردىڭ بۇلتارتپاۋ شاراسىن ۇيقاماقتان وزگەرتىپ, ولاردى قاماۋعا الدى.
باسقا قاتىسۋشىلارعا قاتىستى اكىمشىلىك جازا تاعايىندالدى.
