كەلىسسوزدەر بارىسىندا يندۋستريالاندىرۋ, ماشينا جاساۋ, مۇناي-گاز سالاسى, ەنەرگەتيكا, اگروونەركاسىپتىك كەشەن, فارماتسەۆتيكالىق ونەركاسىپ, قارجى سەكتورىنداعى ينۆەستيتسيالىق ىنتىماقتاستىقتى ودان ءارى دامىتۋ ماەلەلەرى تالقىلاندى.
ۇكىمەت باسشىسى اسقار مامين جانە Exxon Mobil Production Company پرەزيدەنتى نيلل ۋ. داففين بىرلەسكەن جوبالاردى ىسكە اسىرۋ بارىسىن تالقىلاپ, جاڭا جوعارى تەحنولوگيالى شەشىمدەردى ەنگىزۋدىڭ ماڭىزدىلىعىن اتاپ ءوتتى. تاراپتار اتاپ وتكەندەي, ءوندىرىستى جاڭعىرتۋ كاسىپورىندارداعى ەڭبەك ونىمدىلىگى مەن جاعدايلاردى جاقسارتىپ, كەن ورىندارىندا مۇناي ءوندىرۋدى ارتتىرۋعا قوسىمشا سەرپىن بەرەدى.
Baker Hughes, General Electric كومپانيالار توبىنىڭ باسقارما توراعاسى, پرەزيدەنتى, باس اتقارۋشى ديرەكتورى لورەنتسو سيمونەلليدىڭ جەتەكشىلىگىمەن General Electric امەريكاندىق كومپانياسىنىڭ وكىلدەرىمەن كەزدەسۋدە ينۆەستيتسيالىق ىنتىماقتاستىقتى ودان ءارى دامىتۋ ماسەلەلەرى قارالدى. ەنەرگەتيكا سالاسىنىڭ وزگەرىستەرىنىڭ الەمدىك ترەندتەرىن ەسكەرۋمەن جەك سالاسىنداعى پەرسپەكتيۆالى ءوزارا ءىس-قيمىلدار تالقىلاندى. كومپانيا سونىمەن قاتار گازحيميا سالاسىندا, دەنساۋلىق ساقتاۋ جۇيەسىندە, ازاماتتىق اۆياتسيادا, ونىڭ ىشىندە مەملەكەتتىك-جەكەشەلىك ارىپتەستىك تەتيىگى بويىنشا جوبالاردى ىسكە اسىرۋعا قىزىعۋشىلىق تانىتتى.
Polpharma پولشالىق كومپانيالار توبىنىڭ باقىلاۋ كەڭەسىنىڭ توراعاسى ەجي ستاراك ءوز كەزەگىندە قر پرەمەر-ءمينيسترى اسقار ءماميندى بىرلەسكەن جوبالارداعى اعىمداعى جاعدايلار تۋرالى حاباردار ەتتى. قازاقستان فارماتسەۆتيكالىق يندۋسترياسىندا ينۆەستيتسيالىق باعدارلامانى ىسكە اسىرۋ ماسەلەلەرى, كومپانيانىڭ وندىرىستىك الاڭدارىن ودان ءارى جاڭعىرتۋ بويىنشا جوسپارلار, قازاقستاندىق فارماتسەۆتيكالىق كومپانيالارمەن ىنتىماقتاستىق تالقىلاندى.
Marubeni كورپوراتسياسىنىڭ ۆيتسە-توراعاسى شيگەرۋ يامازوەمەن كەلىسسوزدەر اگروونەركاسىپتىك كەشەن, ەنەرگەتيكا, جەك سالاسىنجا ىنتىماقتاستىقتى ودان ءارى دامىتۋعا ارنالدى. تاراپتار ينۆەستيتسياشلىق ىنتىماقتاستىقتى كەڭەيتۋ ءۇشىن زور الەۋەتتى اتاپ ءوتىپ, بىرلەسكەن جۇمىستاردى بەلسەندىرۋ نيەتى ءبىلدىردى. قازاقستان اۋماعىندا جۇزەگە اسىرىلىپ جاتقان جوبالارعا Marubeni سالعان ينۆەستيتسيالار كولەمى – $750 ملن.
Anadolu تۇرىك كومپانيالار توبىنىڭ باسقارما توراعاسى تۋندجاي وزيلحانمەن كەزدەسۋ بارىسىندا ينۆەستيتسيالىق ىنتىماقتاستىق ماسەلەلەرى تالقىلاندى. يندۋستريالاندىرۋ, سونىڭ ىشىندە ماشينا جاساۋ سالاسىنداعى بىرلەسكەن جوبالاردى ىسكە اسىرۋ بارىسى قارالدى. بۇعان قوسا, ينۆەستور قورشاعان ورتانى قورعاۋ, اسىرەسە, ەكىنشى قايتارا پايدالانىلعان ماتەريالداردى وڭدەۋ جوبالارىنا قاتىسۋعا باستاما ءبىلدىردى.
Fung Group توراعاسى ۆيكتور فۋنگپەن كەزدەسۋدە الەمدىك ەكونوميكا جانە ساۋدا نارىعىنداعى وزگەرىستەر, قارجى سەكتورىن دامىتۋدىڭ وزەكتى ماسەلەلەرى تالقىلاندى. تاراپتار جەتكىزىلىمدەردىڭ جاھاندىق جۇيەلەرىن باسقارۋ, سونىڭ ىشىندە ترانزيت جانە لوگيستيكا, اگروونەركاسىپتىك كەشەن سالالارىنداعى ەكى جاقتى ىنتىماقتاستىقتى دامىتۋ پەرسپەكتيۆالارىن قارادى.
Citigroup ينۆەستيتسيالىق جانە كورپوراتيۆتىك بانكىنىڭ ۇكىمەتتەر جانە مەملەكەتتىك سەكتور جاھاندىق بلوگىنىڭ باسشىسى دجۋلي موناكومەن, «سيتيبانك قازاقستان» اق باسقارما توراعاسى اندرەي كۋريلينمەن اڭگىمەلەسۋ بارىسىندا قارجى ساياساتى, كەدەندىك اكىمشىلەندىرۋدى جەتىلدىرۋ سالاسىنداعى ىنتىماقتاستىقتى ودان ءارى نىعايتۋ جانە ينۆەستيتسيالىق جوبالاردى ىسكە اسىرۋعا كوڭىل ءبولىندى. تاراپتاردىڭ ايتۋىنشا, اتالعان باعىتتا احقو بيرجاسىنا ەرەكشە نازار اۋدارىلعان.
«قازاقستان ەل ەكونوميكاسىن دامىتىپ, ونىڭ قۇرىلىمىن ءارتاراپتاندىرۋ ءۇشىن قولدا بار بارلىق مۇمكىندىكتى پايدالانادى», — دەپ دجۋليا موناكو, Citigroup-ءتىڭ قازاقستاننىڭ الەم مەن احقو الاڭدارىندا IPO ۇيىمداستىرۋ جونىندەگى باستامالارىن قولدايتىنىن ايتتى.
سونداي-اق, پرەمەر-مينيستر اسقار ءماميننىڭ «Deutsche Bank AG» ورتالىق جانە شىعىس ەۋروپا بويىنشا وڭىرلىك باسقارماسىنىڭ باس اتقارۋشى ديرەكتورى يورگ بونگارتتسپەن كەزدەسۋىندە قارجى سەكتورىن دامىتۋ ماسەلەلەرى تالقىلاندى. تاراپتار ازاماتتارعا بانك قىزمەتتەرىن ۇسىنۋ سالاسىندا تاجىريبەمەن الماسۋ جۇيەسىن دامىتۋدىڭ ماڭىزدىلىعىنا توقتالىپ ءوتتى. كەزدەسۋلەر بارىسىندا قر پرەمەر-ءمينيسترى اسقار مامين ەلىمىزدە ينۆەستورلاردىڭ جۇمىسى ءۇشىن قولايلى جاعدايلار جاسالعانىن ايتىپ, كومپانيالاردى جاڭا بىرلەسكەن جوبالاردى ىسكە اسىرۋعا شاقىردى. قر ۇكىمەتىنىڭ تاراپىنان ينۆەستيتسيالىق جوبالاردى ءتيىمدى ىسكە اسىرۋ ءۇشىن قاجەتتى كومەك شارالارى ۇسىنىلادى.
