ساياسات • 04 شىلدە، 2019

گۇلشارا ابدىقالىقوۆا جۇمىس ساپارىمەن ازەربايجان رەسپۋبليكاسىنا باردى

120 رەتكورسەتىلدى

2019 جىلعى 2-4 شىلدەدە قازاقستان رەسپۋبليكاسى پرەمەر-ءمينيسترىنىڭ ورىنباسارى گۇلشارا ابدىقالىقوۆا ازەربايجان رەسپۋبليكاسىنا جۇمىس ساپارىمەن باردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ساپار بارىسىندا ازەربايجان پرەمەر-ءمينيسترى نوۆرۋز مامەدوۆپەن كەزدەسۋ ءوتتى. گ. ابدىقالىقوۆا قازاقستانداعى پرەزيدەنت سايلاۋىنىڭ ناتيجەلەرى، جاڭا مەملەكەت باسشىسى ق. توقاەۆتىڭ سىرتقى جانە ىشكى ساياساتىنىڭ باسىمدىلىعى جانە ولاردىڭ تۇڭعىش پرەزيدەنتى – ەلباسى ن. نازارباەۆتىڭ باعىتىمەن ساباقتاستىعى، «رۋحاني جاڭعىرۋ» باعدارلاماسىنىڭ، « ۇلى دالانىڭ جەتى قىرى» باسىم باعىتتارىنىڭ جۇزەگە اسىرىلۋى تۋرالى باياندادى. ازەربايجان ۇكىمەتىنىڭ باسشىسى 2019 جىلعى قازان ايىندا نۇر-سۇلتان قالاسىندا وتەتىن قالالىق تۋريزم بويىنشا سەگىزىنشى جاھاندىق سامميتكە شاقىرىلدى.

سونداي-اق، ۆيتسە-پرەمەر ازەربايجاننىڭ مادەنيەت ءمينيسترى ابۋلفاز گاراەۆپەن كەزدەستى. تاراپتار مادەنيەتارالىق ديالوگ، تاريحي-مادەني مۇرانى ساقتاۋ، بىرلەسكەن مادەني-رۋحاني جوبالاردى ىلگەرىلەتۋ سالاسىنداعى ەكىجاقتى ىنتىماقتاستىقتى كەڭەيتۋگە ۋاعدالاستى.


ودان ءارى ۆيتسە-پرەمەر ازەربايجاننىڭ جازۋشىلار وداعىنا بارىپ، ەلدىڭ كورنەكتى زيالى قاۋىم وكىلدەرىمەن كەزدەستى. كەزدەسۋدە حالىق جازۋشىسى ا. رزاەۆ، ازەربايجان «پەن» كلۋبىنىڭ پرەزيدەنتى، حالىق جازۋشىسى چ. ابدۋللاەۆ، حالىق ءارتىسى، كينورەجيسسەر و. ميركاسيموۆ جانە گ. اليەۆ اتىنداعى «ازەربايجان-قازاقستان» دوستىق قوعامىنىڭ پرەزيدەنتى، پروفەسسور ە. گيۋنايدىن بولدى.

گ. ابدىقالىقوۆا سۇحباتتاسۋشىلاردى ءۇشىنشى جاڭعىرۋ اياسىندا قازاقستاندا ءجۇرىپ جاتقان وزەكتى ۇردىستەرمەن تانىستىردى. وزگەرۋلەردىڭ نەگىزى قوعامنىڭ رۋحاني جاڭعىرۋى بولىپ تابىلاتىنىن اتاپ ءوتتى. تىلدەرى مەن مادەنيەتى جاقىن، ورتاق تۇركى تامىرى بار ەكى ەل اراسىنداعى گۋمانيتارلىق بايلانىستاردى دامىتۋ بويىنشا پىكىر الماسۋ ورىن الدى.

ساپار اياسىندا ۆيتسە-پرەمەر 30 ماۋسىم مەن 10 شىلدە ارالىعىندا باكۋدە وتەتىن يۋنەسكو-نىڭ دۇنيەجۇزىلىك مۇرا كوميتەتىنىڭ 43-ءشى سەسسياسىنا قاتىستى.

پلەنارلىق وتىرىستا سويلەگەن سوزىندە قازاقستاندىق دەلەگاتسيا باسشىسى كوميتەت مۇشەلەرىن ەلىمىزدەگى تاريحي-مادەني مۇرالاردى، اتاپ ايتقاندا قوجا احمەت ياسساۋي كەسەنەسىنىڭ قورعالۋى تۋرالى حاباردار ەتتى. ۆيتسە-پرەمەر تۇركىستان قالاسىن دامىتۋدىڭ جاڭا جوسپارى ونىڭ وبلىس ورتالىعى مارتەبەسىن الۋمەن بايلانىستى قابىلدانعانىن جانە سانى ارتىپ كەلە جاتقان قالا تۇرعىندارىنىڭ، تۋريستەردىڭ قاجەتتىلىكتەرىن قاناعاتتاندىرۋعا باعىتتالعانىن اتاپ ءوتتى. ول قۇجات يۋنەسكو تالاپتارىنا سايكەس ازىرلەنگەنىن جانە كەسەنەنىڭ جوعارى حالىقارالىق مارتەبەسىن ەسكەرەتىنىن اتاپ ءوتتى.

1992 ج. 22 مامىرىنان باستاپ قازاقستان بىرىككەن ۇلتتار ۇيىمىنىڭ ءبىلىم، عىلىم جانە مادەنيەت جونىندەگى (يۋنەسكو) مۇشەسى. ۇيىممەن ىنتىماقتاستىعىمىزدى قر يۋنەسكو جانە يسەسكو جونىندەگى ۇلتتىق كوميسسياسى ۇيلەستىرەدى. ەلىمىز ۇيىم اياسىنداعى 15 حالىقارالىق كونۆەنتسيانىڭ تاراپى بولىپ تابىلادى. دەرەكتى مۇرانىڭ «الەم ەستەلىگى» حالىقارالىق تىزىمىنە – 3، دۇنيەجۇزىلىك مۇرا تىزىمىنە – 5، ماتەريالدىق ەمەس مادەني مۇرا تىزىمىنە – 10، بيوسفەرالىق رەزەرۆاتتار جەلىسىنە – 11، ەستەلىك داتالار كۇنتىزبەسىنە – 21 وتاندىق ۇسىنىم ەنگىزىلدى. ەلىمىزدە يۋنەسكو-نىڭ 5 كافەدراسى، 31 قاۋىمداستىرىلعان مەكتەبى، 50-دەن استام كلۋبى بار. قازاقستان باستاماسىمەن بۇۇ باس اسسامبلەياسى 2013-2022 جج. مادەنيەتتەر جاقىنداسۋىنىڭ حالىقارالىق ونجىلدىعى ەتىپ جاريالادى جانە يۋنەسكو-نى ءتيىستى باعدارلامانى جۇزەگە اسىرۋعا جاۋاپتى ورگان رەتىندە بەلگىلەدى.



سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار