«كاسىپورىن باسشىسى الەكسەي ەفريموۆ «Nur Otan» پارتياسى اتىنان قالالىق ءماسليحاتتىڭ دەپۋتاتى. ءاردايىم قوعام ومىرىندەگى ماڭىزدى باستامالارعا اتسالىسىپ تۇرادى. «Nur Otan» پارتياسى مۇرىندىق بولعان كومەك اكتسياسىنا ءۇن قاتقانداردىڭ ءبىرى ءبىزدىڭ كومپانيا. بۇل جارىلىستان زارداپ شەككەندەرگە كورسەتىلەتىن كومەكتىڭ سوڭى ەمەس. الدە دە قولداۋ كورسەتۋگە ءازىرمىز» دەيدى «اكۆا-اراسان» كاسىپورنىنىڭ زاۋىت باسقارۋشىسى يگور گەنني.
گۋمانيتارلىق كومەكتى قوستانايداعى كولىك تاسىمالداۋ كومپانيالارىنىڭ ءبىرى تەگىن جەتكىزىپ بەرەدى. ولاردىڭ ايتۋىنشا, جۇك كولىكتەرى ارىس قالاسىنا بەلگىلەنگەن ۋاقىتتا جەتەدى.
« ارىستىقتاردىڭ باسىنا قيىن-قىستاۋ ءسات تۋعاندا جاردەم بەرۋدەن ءبىز دە قالىس قالماۋدى ءجون سانادىق. الداعى ۋاقىتتا دا ءوز تاراپىمىزدان ارىس قالاسىنىڭ تۇرعىندارىنا قولدان كەلگەن كومەكتىڭ ءبارىن كورسەتەمىز» دەيدى SV Trans Logistic باسشىسى, «Nur Otan» پارتياسىنىڭ بەلسەندى مۇشەسى ۆالەري سۋسارەنكو
بۇعان دەيىن 20 توننا ۇن, 7 توننا ماكارون, 3 توننا كونديتەر ونىمدەرى جونەلتىلگەن بولاتىن. وبلىستا قابىلداۋ بەكەتتەرى اشىلدى. «Jas Otan» جاستار قاناتىنىڭ «ارىس. ءبىز بىرگەمىز!» اكتسياسى اياسىندا قالا تۇرعىندارى مۇمكىندىكتەرىنشە كومەك بەرۋدە. كوپتىڭ كۇشىمەن جينالعان بالالار مەن ەرەسەكتەرگە ارنالعان كيىم- كەشەك, سونداي-اق, تۇرمىسقا قاجەتتى زاتتار بۇگىن ۇشاقپەن ارىستاعى اعايىندارعا جەتكىزىلدى. باۋىرمالدىق قاسيەت حالقىمىزعا ءتان قاسيەت ەكەندىگىن توبىل ءوڭىرىنىڭ جۇرتشىلىعى ءىس جۇزىندە تاعى ءبىر مارتە دالەلدەدى.
قوستاناي
