2018 جىلدىڭ قورىتىندىسىن ەسەپكە الساق, جەكە تۇلعالاردىڭ تۇتاستاي نەسيەلىك بەرەشەگى ءوسىپ, 6 ترلن تەڭگەگە دەيىن جەتتى. ال بيىلعى جىلدىڭ العاشقى جارتىسىندا بۇل سوما 5,2 ترلن تەڭگەنى نەمەسە 15%-دى قۇرادى. بىلتىرعى بولشەك نەسيەنىڭ مولشەرى 2017 جىلداعى كورسەتكىشتەن 1, 3 ەسەگە ارتىق. وسى رەتتە اتالعان ءوسىمنىڭ تەڭ جارىمىنان اسا پايىزىن كەپىلسىز تۇتىنۋشىلىق نەسيە قۇراپ وتىرعانىن اتاپ وتكەن ءجون. ماسەلەن, 2018 جىلدىڭ ناتيجەسىندە ونىڭ پورتفەلدەگى ۇلەسى 54,1%-عا كوبەيگەن. ءبىر جىل بۇرىن اتالعان يندەكس 49, 7% شاماسىندا بولدى.
پرەزيدەنتتىڭ جارلىعىنا سايكەس, ەڭ الدىمەن تۇرمىستىق جاعدايى تومەن وتباسىلاردىڭ كەپىلسىز تۇتىنۋشىلىق نەسيەلەرى وتەلەدى. ەكىنشىدەن, تۇتىنۋشىلىق قارىزدار بويىنشا جيناقتالعان ايىپپۇل مەن تولەماقىلار كەشىرىلەتىن بولادى. ۇزىنسانى شامامەن 500 مىڭداي تۇرعىن وسىنداي قولداۋمەن قامتىلىپ, ولاردىڭ 3 ملن تەڭگەگە دەيىنگى نەسيەسىنىڭ ىشىندە 300 مىڭداي تەڭگە قارىز سوماسى وتەلەدى دەپ كوزدەلۋدە. بۇل دەگەنىمىز 255 مىڭ قازاقستاندىقتىڭ نەگىزگى بەرەشەگىنىڭ تولىق جابىلۋىن بىلدىرسە كەرەك. قالعان 245 مىڭ بورىشكەردىڭ بەرەشەكتەرى جارتىلاي جابىلادى.
قارجى مينيسترلىگىنىڭ اقپاراتىنا سۇيەنسەك, بۇل جۇمىستى ورىنداۋعا شامامەن 105 ملرد-تاي تەڭگە قاجەت. سونىڭ 88, 5 ملرد سوماسى رەسپۋبليكالىق بيۋدجەتتەن اۋدارىلادى ەكەن. ايتا كەتەرلىگى, قالعان 17 ملرد تەڭگە پروبلەمالىق نەسيەلەر قورىنىڭ كومەگىمەن قۇندى قاعازداردى شىعارۋ ارقىلى قارجى نارىعىنا تارتىلماق.
بۇدان بولەك, ايىپپۇل مەن تولەماقى قارىزدارىنىڭ 70%-ىن ەكىنشى دەڭگەيلى بانكتەر جانە ميكرو قارجىلاندىرۋ ۇيىمدارىنىڭ ەسەبىنەن جابىلادى دەپ جوسپارلانعان. سونداي-اق پرەزيدەنتتىڭ پارمەنىمەن بەرەشەگى 90 كۇننەن اسىپ كەتكەن جەكە تۇلعالاردىڭ بارلىق كەپىلسىز تۇتىنۋشىلىق نەسيەنى بەرۋ مەن قىزمەت كورسەتۋدەگى تۇراقسىزدىق ايىپاقى جانە باسقا دا كوميسسيا شىعىندارىن ۇستاۋعا تىيىم سالىندى.
قورىتىندىلايتىن بولساق, مۇنداي اۋقىمدى دەڭگەيدەگى الەۋمەتتىك جوبا وڭ جەمىسىن بەرەتىنىنە ءۇمىت باسىم. مەملەكەتتىڭ بۇل الەۋمەتتىك قالقانى تۇرمىستىق تۇرعىدا قورعالماعان جانداردىڭ قارجىلىق احۋالىن جاقسارتىپ, ءومىر ساپاسىن ارتتىرۋعا جىگەرلەندىرەرى ءشۇباسىز. سونىمەن قوسا كۇنكورىس دەڭگەيى تومەن تۇلعالارعا نەسيە بەرۋگە تىيىم سالۋ, اتالعان ساناتتاعىلاردىڭ قارجىلىق قاقپانعا تۇسۋىنە جول بەرمەيدى.
اننا الشانسكايا,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ (قسزي) اعا عىلىمي قىزمەتكەرى
