بۇل 50 جىلدان تومەن جاس جوعارى وقۋ ورىندارىنىڭ الەۋەتىن باعالايتىن رەيتينگ. ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى وسى رەيتينگكە ەنگەن ورتالىق ازياداعى جالعىز جوعارى وقۋ ورنى. بيىل بۇل رەيتينگكە الەمنىڭ 60 ەلىنەن 351 جوو قاتىسقان. ال جوعارى وقۋ ورىندارىنىڭ جاس جاعىنان ەڭ كوپ سانى ۇلىبريتانيا, فرانتسيا, اۆستراليا جانە يسپانيا جوو-لارى بولىپ تابىلادى.
«Times Higher Education Young University Rankings» رەيتينگتەرىندە جوعارى وقۋ ورىندارىن باعالاۋ ءۇشىن تىكەلەي عىلىمي زەرتتەۋلەرمەن بەلسەندى اينالىساتىن الەمدىك ۋنيۆەرسيتەتتەردىڭ رەيتينگتەرىندەگى ادىستەمە قولدانىلادى. دەگەنمەن, جاس ۋنيۆەرسيتەتتەردىڭ ناقتى باعاسىن كورسەتۋ ءۇشىن سالماق كوەففيتسيەنتتەرى قايتا ىرىكتەلگەن. مۇندا تالاپكەرلەر, اتا-انالار, عالىمدار, ۋنيۆەرسيتەتتەر مەن ۇكىمەت باسشىلارى ءۇشىن بارىنشا تولىق جانە تەڭگەرىمدى سالىستىرۋدى قامتاماسىز ەتۋ ءۇشىن تيىمدىلىكتىڭ 13 كورسەتكىشى قولدانىلادى.
تيىمدىلىك كورسەتكىشتەرى بەس باعىت بويىنشا توپتاستىرىلعان: وقىتۋ (وقىتۋ ورتاسى); زەرتتەۋ (كولەمى, تابىسى جانە بەدەلى); دايەكسوز (زەرتتەۋ اسەرى); حالىقارالىق قىزمەت (پەرسونال, ستۋدەنتتەر جانە زەرتتەۋلەر); ينستيتۋتسيونالدىق كىرىس ء(بىلىم بەرۋ).
وقىتۋ (وقىتۋ ورتاسى): 30%
بەدەل ساۋالناماسى: 10%
قىزمەتكەرلەر مەن ءبىلىم الۋشىلاردىڭ اراقاتىناسى: 6%
دوكتورانتتار مەن باكالاۆرلاردىڭ اراقاتىناسى: 3%
دوكتورانتتار مەن اكادەميالىق قىزمەتكەرلەر سانىنىڭ اراقاتىناسى: 8%
ينستيتۋتسيونالدىق كىرىس: 3%
وسى ساناتتاعى كورسەتكىش باسقا ۋنيۆەرسيتەتتەر اراسىنداعى زەرتتەۋلەردەگى ۇزدىك جەتىستىكتەرى ءۇشىن جوعارى وقۋ ورنىنىڭ بەدەلىن باعالاۋ ەڭ ماڭىزدى باعا بولىپ تابىلادى (اكادەميالىق بەدەلىن جىل سايىنعى زەرتتەۋدىڭ جاۋاپتارى نەگىزىندە).
دايەكسوز ءاربىر ۋنيۆەرسيتەت ادامي تۇرعىدا العان بىلىممەن بىرگە قانداي ۇلەس قوساتىنىن كورسەتۋگە كومەكتەسەدى: ولار بىزگە زەرتتەۋلەرىن باسقا عالىمدار ءبولىپ, ۇستاپ, نەگىزگە الادى جانە ەڭ ماڭىزدىسى, بۇكىل الەمنىڭ عالىمدارى اراسىندا تارايدى دەپ حابارلايدى.
ينتەرناتسيونالداندىرۋ جوو-نىڭ شەتەلدىك ءبىلىم الۋشىلاردى تارتۋ مۇمكىندىكتەرىمەن ولشەنەدى, بۇل ونىڭ الەمدىك ارەناداعى جەتىستىگىنىڭ كىلتى بولىپ تابىلادى.
بۇل رەيتينگتە تاعى ءبىر ماڭىزدى كورسەتكىش ينستيتۋتسيونالدىق تابىس ەكەنىن ايتا كەتكەن ءجون. ول ۋنيۆەرسيتەتتىڭ يننوۆاتسيانى, ونەرتابىستاردى دامىتۋداعى ونەركاسىپپەن قارىم-قاتىناس قابىلەتى. بۇگىنگى تاڭدا جوعارى وقۋ ورنى مەن يندۋستريانىڭ تىعىز بايلانىسى قازىرگى زامانعى جاھاندىق اكادەميانىڭ نەگىزگى ميسسياسى بولىپ وتىر. بۇل سانات ول جۇمىس ىستەيتىن اكادەميالىق تۇلعانىڭ سانىن ەسەپكە الا وتىرىپ, ونەركاسىپتەن قانشا زەرتتەۋ تابىس الاتىنىن (پوق ەسەبىمەن) قاراپ, ءبىلىم بەرۋ بويىنشا وسىنداي قىزمەتتى قامتۋعا ۇمتىلادى. سونىمەن قاتار, رەيتينگ كاسىپورىنداردىڭ زەرتتەۋ ءۇشىن قانشالىقتى اقى تولەۋگە دايىن ەكەندىگىن جانە ۋنيۆەرسيتەتتىڭ كوممەرتسيالىق نارىقتا قارجىلاندىرۋدى تارتۋ قابىلەتىن باعالايدى, بۇل سايىپ كەلگەندە, ينستيتۋتسيونالدىق ساپا كورسەتكىشى ەكەنى داۋسىز.
قوسىمشا اقپاراتتى تومەندەگى سايتتان بىلۋگە بولادى: https://www.timeshighereducation.com/world-university-rankings/2019/young-university-rankings
