قوستانايلىق ماماندار بەكىتىلىپ بەرىلگەن ۇيلەردى قاراپ, جۇمىس پەن قاجەتتى قۇرىلىس ماتەريالدارىنىڭ كولەمىن انىقتايدى. سوعان وراي وعان كەتەتىن قارجى كولەمى ەسەپتەلىپ شىعارىلادى. سودان كەيىن وعان باراتىن قۇرىلىس كومپانيالارى, ماماندار, جۇمىسشىلار بريگادالارى بەكىتىلەدى.
«سونداي-اق, كەشە قازاقستان حالقى اسسامبلەياسىنىڭ وبلىستىق سەسسياسىندا مەن ەتنومادەني بىرلەستىكتەردىڭ توراعالارىنا وسى جاعدايدى جەتكىزدىم, بۇگىن ءىرى, ورتا, شاعىن بيزنەس وكىلدەرىمەن كەزدەسۋ وتكىزدىم. بارلىعى ارىستاعى زارداپ شەككەن وتباسىلارىنا گۋمانيتارلىق جانە تۇرعىن ۇيلەرىن قالپىنا كەلتىرۋگە كومەك كورسەتۋگە دايىن ەكەندەرىن ءبىلدىردى» دەدى ارحيمەد بەگەجان ۇلى.
قوستاناي وبلىسى«نۇر وتان» پارتياسىنىڭ قولداۋىمەن جاريالانعان «ارىس. ءبىز بىرگەمىز» جالپى رەسپۋبليكالىق اكتسياعا بەلسەندى قاتىسىپ وتىر. وبلىس اكىمىنىڭ باسشىلىعىمەن پارتيانىڭ وبلىستىق فيليالىنىڭ توراعاسى رەتىندە شتاب قۇرىلدى. ونىڭ قۇرامىندا روزينوۆ ۆ.س, كيم ي.ر, مايشەۆ ق.ا, سياقتى بەلگىلى كاسىپكەرلەر مەن قوعامدىق پىكىر كوشباسشىلارى بار. اپاتتان زارداپ شەككەندەرگە كومەككە وبلىستاعى مەملەكەتتىك ورگانداردىڭ قىزمەتكەرلەرى 20 ملن. تەڭگەدەن استام قارجى اۋداردى. ونىڭ سىرتىندا «قاراسۋ سوك» باس ديرەكتورى, قازاقستاننىڭ ەڭبەك ەرى ا.ج. تۇرسىنوۆ جانە ونىڭ ۇجىمى 3,5 ملن.تەڭگە, «بك-ستروي» جشس ۇجىمى 2 ملن. تەڭگە, «ميلح» جشس باس ديرەكتورى س.ي. بلوك جەكە 1 ملن. تەڭگە اۋداردى. ارىسقا 30 توننا ازىق-ت ۇلىك پەن ءبىرىنشى قاجەتتى زاتتار تيەلگەن كەرۋەن جونەلتىلدى.
قوستاناي
