كومپانيا ءار كليەنتتىڭ تەڭگەرىمىنە 30 مينۋت پەن 5گب ءموبيلدى ينتەرنەت اۋداردى, جارامدىلىق مەرزىمى 30 كۇن. بۇل تۋرالى بارلىق ابونەنتكە SMS ارقىلى اقپارات جىبەرىلدى.
«ارىس تۇرعىندارى ءۇشىن وسى ءبىر قيىن ساتتەردە بايلانىستا بولۋ اسا ماڭىزدى. سونىمەن قاتار وتانداستارىنىڭ دا بەيتاراپ قالماي, ولارعا قول ۇشىن سوزۋى اسا ماڭىزدى. شىمكەنت پەن تۇركىستانداعى Beeline-نىڭ ايماقتىق كەڭسەسىنىڭ قىزمەتكەرلەرى ارىس تۇرعىندارىنا ەرىكتى كومەك كورسەتۋدە, ال كومپانيانىڭ باسقا كەڭسەلەرىندە زارداپ شەككەندەرگە كومەك رەتىندە اقشا جينالۋدا», - دەدى Beeline قازاقستاننىڭ كورپوراتيۆتىك قاتىناس ديرەكتورى الەكسەي بەندز.
24 ماۋسىم كۇنى تۇركىستان وبلىسىنىڭ ارىس قالاسىنداعى اسكەري ءبولىمنىڭ اۋماعىندا وق-ءدارى جارىلعانىن ەستەرىڭىزگە سالامىز. قالانىڭ بارلىق تۇرعىنى قاۋىپسىز جەرگە كوشىرىلدى. قازا تاپقاندار دا بار. زارداپ شەككەن جۇزدەگەن جان اۋرۋحاناعا جاتقىزىلدى. ارىس تۇرعىندارى شىمكەنتتەگى جانە جاقىن ەلدى مەكەندەردەگى ەۆاكۋاتسيا پۋنكتتەرىنە ورنالاستىرىلدى
الماتى
