27 ماۋسىم، 2019

شقو-دا 230 كوپبالالى وتباسى ءبىر ايدىڭ ىشىندە باسپانالى بولادى

321 رەتكورسەتىلدى

شىعىس قازاقستاننىڭ اۋىلدىق ەلدى-مەكەندەرىندە تۇراتىن 230 كوپبالالى وتباسى ءبىر ايدىڭ ىشىندە باسپانالى بولادى.


شىعىس قازاقستاننىڭ اۋىلدىق ەلدى-مەكەندەرىندە تۇراتىن 230 كوپبالالى وتباسى ءبىر ايدىڭ ىشىندە باسپانالى بولادى. بۇل تۋرالى كوپبالالى جانە از قامتىلعان وتباسىلاردى ۇيمەن قامتاماسىز ەتۋ جونىندەگى وبلىستىق قوعامدىق كوميسسيا وتىرىسىندا ايتىلدى.

«بۇگىنگى كۇنى مەملەكەتتىك تۇرعىن-ءۇي قورىنان ءۇي الۋ كەزەگىندە اۋدان ورتالىقتارى مەن اۋىلدىق جەرلەردە تۇراتىن 566 وتباسى تىركەلگەن. ولاردىڭ باسپانامەن قامتۋ بىرنەشە كەزەڭگە بولىنگەن. ءبىرىنشى كەزەڭدە بيۋدجەتتەن تىس قارجى ەسەبىنەن 88 اۋىلدىق وكرۋگ پەن 4 اۋدان ورتالىعىندا (بورودۋليxا، كاتونقاراعاي، كوكپەكتى جانە تارباعاتاي) 230 وتباسىنا باسپانا الىنادى. ولاردىڭ جالپى قۇنى - 558،5 ملن.تەڭگە. ايماق باسشىسىنىڭ تاپسىرماسى بويىنشا اۋدانداردا قۇرامىنا قوعامدىق ۇيىمدار وكىلدەرى مەن كوپبالالى انالار كىرگەن جۇمىس توپتارى كىرىپ، ساتىپ الۋعا جاتاتىن ۇيلەر مەن پاتەرلەردىڭ جاي-كۇيىن انىقتادى. بۇگىنگى جيىندا بارلىق توپتار وكىلدەرى اتقارعان جۇمىستارى تۋرالى بايانداما جاسادى. قازىر اۋىلدىق وكرۋگتەر مەن بىرنەشە اۋدان ورتالىعىن قامتىعان ءبىرىنشى كەزەڭ اياقتالۋعا جاقىن. قۇجات راسىمىنە كەتەتىن ون كۇننەن كەيىن 230 وتباسى ءوز باسپانالارىنا يە بولادى. كەلەسى كەزەڭ قالعان 309 جانۇيانى تۇرعىن ۇيمەن قامتۋ. بۇل مىندەت «باقىتتى وتباسى» يپوتەكالىق نەسيەلەۋدىڭ مەملەكەتتىك باعدارلاماسى اياسىندا جۇزەگە اسادى. جۇمىس شىلدە ايىندا باستاۋ الىپ، تۇرعىن-ءۇي قۇرىلىس جيناق بانكى ارقىلى جۇرمەك» دەيدى وبلىس اكىمىنىڭ ورىنباسارى اسەم ءنۇسىپوۆا.

«باقىتتى وتباسى» باعدارلاماسىنىڭ وزگەشەلىگى مىنادا:

- نەسيە سوماسى – 10 ملن. تەڭگەگە دەيىن، 

- مەرزىمى – 20 جىلعا دەيىن، 

- ستاۆكاسى – 2%،

- العاشقى جارنا – 10%.

تۇرعىن-ءۇي قۇرىلىس جيناق بانكىنىڭ نەسيەلەۋ ەرەجەسى مەن «نۇرلى جەر» مەملەكەتتىك باعدارلاماسىنا سايكەس قاتىسۋشىلارعا كەلەسى تالاپتار قويىلادى:

- ۇمىتكەر مەن وتباسى مۇشەلەرىنىڭ مەنشىك قۇقىعىندا ءۇيىنىڭ بولماۋى;
- اجىراسقان جاعدايدا مەرزىمىنىڭ 3 جىلدان ارتۋى;

- تولەم قابىلەتىنىڭ رەسمي قۋاتتالۋى;

- تۇرعىن-ءۇي كەزەگىندە تۇرعانىن جانە مارتەبەسىن اكىمدىكتىڭ راستاۋى;

- سوڭعى 6 ايدىڭ ورتاشا تابىسى ءار وتباسى مۇشەسىنە شاققاندا، اي سايىن، ەڭ تومەن ەڭبەكاقى مۇلشەرىنەن اسپاۋ كەرەك (42،5 مىڭ. تەڭگە).
«مىسالى، وتباسىندا 6 ادام بولسا، باعدارلاما قاتىسۋ ءۇشىن ەڭ جوعارى تابىس 255 مىڭ. تەڭگەنى قۇراۋ كەرەك (6 ادام ح 42،5 مىڭ. تەڭگە=255 مىڭ. تەڭگە). اتاۋلى الەۋمەتتىك كومەكتىڭ جاڭا فورماتىنا سايكەس، وبلىستاعى ءبىر كوپبالالى وتباسى، ورتا ەسەپپەن 81 مىڭ تەڭگەدەن استام قارجى الادى. وتباسىندا كەمىندە ءبىر جۇمىس جاسايتىن ادامنىڭ بولۋى باعدارلاماعا تومەنگى تولەم قابىلەتى بويىنشا قاتىسۋعا مۇمكىندىك بەرەدى.
قازىرگى تاڭدا باعدارلاماعا قاتىسۋشىلاردىڭ ناقتى سانىن انىقتاۋ ءۇشىن اكىمدىكتەر مەن تۇرعىن-ءۇي قۇرىلىس جيناق بانكى كوپبالالى وتباسى ساناتىندا كەزەكتە تۇرعان 1 258 ادامعا تومەنگى كريتەريلەر بويىنشا ساراپتاما جۇرگىزۋدە:

- جاسى، 

- رەسمي تابىسىنىڭ بار بولۋى، 

- باسپاناسىنىڭ بولماۋى، 

- نەسيەلىك تاريحى. 

باعدارلاما تالاپتارىنا ساي بولعان جاعدايدا ولارعا 1 ملن. تەڭگەلىك العاشقى تولەم جارناسىنىڭ تۇرعىن-ءۇي سەرتيفيكاتى مەن جەڭىلدەتىلگەن يپوتەكالىق نەسيە ۇسىنىلادى. وسىلايشا ءار وتباسى 10 ملن. تەڭگەگە دەيىن باسپانا الۋ مۇمكىندىگىنە يە بولادى. تۇرعىن-ءۇي سەرتيفيكاتتارىن وبلىستىق قوعامدىق كوميسسيا بەرەدى. دانيال اxمەتوۆ قالالار مەن اۋداندار اكىمدەرىنە ەكى اي ىشىندە ءار وتباسىنا ەگجەي-تەگجەيلى ساراپتاما جۇرگىزىپ، قابىلەتتەرىن انىقتاۋدى تاپسىردى. بۇدان كەيىن قىركۇيەك ايىندا «باقىتتى وتباسى» مەملەكەتتىك باعدارلاماسىنا قاتىسۋعا قانشا وتباسىنىڭ لايىقتى، قانشاسى قاتىسا المايتىندىعى جونىندە بەلگىلى بولىپ، باسقا مۇمكىندىكتەر زەردەلەنەدى. تيىسىنشە كوميسسيا كوپبالالى جانە از قامتىلعان وتباسىلاردى قاجەتتى باسپانالارىمەن قامتۋدىى وزگە دە جولدارىن قارايدى» دەيدى وبلىس اكىمىنىڭ ورىنباسارى.

وسكەمەن

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار