رۋحانيات • 27 ماۋسىم، 2019

كارنەگيدە ءان سالادى

181 رەت كورسەتىلدى

اماندىق بولسا، الداعى كۇندەرى الماتى­لىق ادەلينا مۇحامەدجانوۆا نەبىر ونەر دۇلدۇلدەرىن تورىنە شىعارعان كارنەگي حوللدىڭ وزىندە ونەر كور­سەتەتىن بولادى. دارىندى وقۋشى بەدەلدى بايقاۋلاردىڭ ءبىرى «American Protégé» حالىقارالىق باي­قاۋىندا ءبىرىنشى دارەجەلى لاۋ­رەات اتانىپ، نيۋ-يوركتەگى جەڭىمپازدار كونتسەرتىنە جولداما الدى.

ادەلينا ديستانتسيالىق ونەر جارىسىندا بىرنەشە كلاسسيكالىق كومپوزيتسيا ورىنداپ، 50 مەملەكەتتەن قاتىسقان زامانداستارىنىڭ الدىڭعى لەگىنەن تابىلعان.

ەندى بيىل 21 جەلتوقساندا الەمنىڭ ءار شالعايىندا ءبىرىنشى دارەجەلى ديپلومعا يە بولعان دارىندار الەم­دەگى ەڭ ايگىلى ونەر الاڭىنىڭ ءبىرى – كارنەگي حوللدا (Carnegie Hall) توعىسادى.

«American Protege» – الەمنىڭ ءار شالعايىنداعى مۋزىكانتتارعا ارنالعان حالىقارالىق بايقاۋلار سەرياسى. جاس تالانتتار قاشىقتىقتان، بەينە-جازبالارى ارقىلى ونەر جارىستىرادى. جەڭىمپاز اتانعاندار جىل سوڭىندا كارنەگي حولل ساحناسىندا جۇزدەسەدى.

«مەن بايقاۋ ۇيىمداستىرۋشىلارىنان رەسمي حات العان كەزىمدە تاڭعالىپ، تولقىدىم. ەگەر شىنىمدى ايتسام، ءالى كۇنگە دەيىن اڭىزعا اينالعان، الەمنىڭ ەڭ اتاقتى، ەڭ ۇزدىك انشىلەرى ونەر كورسەتەتىن ساحنادا ءان سالاتىنىما سەنە الار ەمەسپىن. تاياۋ كۇندەرى تىڭعىلىقتى دايىندىقتى باستايمىز. مەن بار كۇشىمدى سالامىن»،   دەيدى ادەلينا.

 «American Protege» بايقاۋى بار بولعانى 11 جاستاعى ۆوكاليست ءۇشىن العاشقى جەڭىس ەمەس. ادەلينا بۇعان دەيىن دە يتاليادا وتكەن «Sanremo Junior 2018» فەستيۆالىندە جەڭىسكە جەتكەن بولاتىن.

سونداي-اق وتكەن جىلى رەسەيدىڭ سانكت-پەتەربۋرگ قالاسىندا وتكەن ەلەنا وبرازتسوۆانىڭ بايقاۋىندا نيكولاي تسيسكاريدزەنىڭ ارناۋلى جۇلدەسىن جەڭىپ العان. وعان قوسا بيىل دا ناۋرىز ايىندا جاس ءانشى 2020 جىلى يتاليادا وتەتىن Open International Auditions اكادە­ميا­لىق ۆوكالدىق بايقاۋىنا ارنايى شاقىرتۋ الىپ وتىر.

 

الماتى

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

ۇقساس جاڭالىقتار