«ارىستاعى جارىلىستان زارداپ شەككەن ازاماتتارعا ءوز قولداۋىمىزدى بىلدىرەمىز. قازاقستان جاستارى ستۋدەنتتەرى سىزدەرمەن بىرگە دەپ ايتقىم كەلەدى. قازاقستان ستۋدەنتتەرىنىڭ اليانسى رەسپۋبليكالىق ۇيىم بولعاندىقتان, تۇركىستان وبلىسى مەن شىمكەنت قالاسىندا شتابىمىز بار. ارىس قالاسىندا ەكى كوللەدج ورنالاسقان. سول جەردە 800-دەن استام ستۋدەنتتەرىمىز وقيدى. شتاب مۇشەلەرى وقيعا بولعان كۇنى بىردەن كومەك كورسەتۋگە كىرىسىپ كەتتى. ەرىكتىلەر توبى قۇرىلدى, ولار ارىس تۇرعىندارىن باسقا جەرلەرگە كوشىرۋگە كومەكتەستى. ايماقتاعى شتابىمىز عانا ەمەس, جالپى رەسپۋبليكا بويىنشا مۇشەلەرىمىز اتسالىسىپ جاتىر. مىسالى, كەشە نۇر-سۇلتان قالاسى اكىمى ورىنباسارىنىڭ قاتىسۋىمەن شۇعىل جيىن ءوتتى. سودان كەيىن جاستار سارايىندا ارىسقا ءجونەلتەتىن گۋمانيتارلىق جانە ماتەريالدىق كومەك ورتالىعى اشىلدى», دەيدى ءىلياس ءتۇستىكباەۆ.
ونىڭ ايتۋىنشا, ستۋدەنتتەردىڭ اراسىندا قان تاپسىرىپ كومەكتەسىپ جاتقاندار بار.
«ەلوردا ستۋدەنتتەرى مەن جاستارى قان تاپسىرىپ جاتىر. قان تاپسىرعان ادامعا 600 تەڭگە تولەيدى. سول اقشانى الىپ, كومەك قورلارىنىڭ رەسمي ەسەپتەرىنە اۋداردى. ودان بولەك, وڭتۇستىك قازاقستان مەملەكەتتىك ۋنيۆەرسيتەتىنىڭ قىزمەتكەرلەرى 13 ملن تەڭگە اۋداردى جانە 3 جاتاxقاناعا 500 ادامدى ورنالاستىردى. ەلورداداعى بىرنەشە جوعارى وقۋ ورنىنىڭ قىزمەتكەرلەرى دە ءبىر كۇندىك جالاقىلارىن ارىسقا كومەك رەتىندە بەرىپ جاتىر», دەيدى ول.
راۋان قايدار,
«Egemen Qazaqstan»
