ايماقتار • 26 ماۋسىم، 2019

قىزىلوردادا IV حالىقارالىق ينتەرنەت-فورۋم ءوتتى

155 رەت كورسەتىلدى

قىزىلوردادا وتكەن IV حالىقارالىق ينتەرنەت-فورۋمعا رەسەي، ونىڭ ىشىندە تاتارستان، سينگاپۋر جانە قازاقستان مەملەكەتتەرىنەن ساراپشىلار قاتىستى.

فورۋم مودەراتورى - قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ اقپاراتتىق تەحنولوگيالاردى دامىتۋ جونىندەگى ۆيتسە-رەكتورى ءاليا مۇحامەدجانوۆا.

جيىندا بايانداما جاساعاندار ايماقتاعى ءبىلىم بەرۋ جانە جۇمىسپەن قامتۋ سالاسىنىڭ كەلەشەگى، جىلدام وزگەرەتىن زاماناۋي ەڭبەك نارىعى جاعدايىنداعى جاڭا سىن-قاتەرلەر مەن مۇمكىندىكتەر، سياقتى وزەكتى ماسەلەلەر تۋرالى ايتتى.

قىزىلوردا وبلىسىنىڭ اكىمى ق.كوشەرباەۆ فورۋم جۇمىسىنا ساتتىلىك تىلەپ، ادام كاپيتالىن دامىتۋ ايماقتىڭ باسىمدىقتارىنىڭ ءبىرى ەكەنىن اتاپ ءوتتى.

«ءبىز ءتورتىنشى ينتەرنەت-فورۋمدى ادام كاپيتالىن دامىتۋعا ارناپ وتىرمىز. ويتكەنى الەمدىك تاجىريبە كورسەتكەندەي، قازىرگى كەزەڭدە مەملەكەتتىڭ ەكونوميكالىق ءوسۋىنىڭ شەشۋشى فاكتورى - ادام كاپيتالىن قالىپتاستىرۋ مەن دامىتۋعا بايلانىستى ينۆەستيتسيالار. الەمدە ءبىلىم بەرۋدى دامىتۋعا مەملەكەتتىك شىعىستار بۇرىننان الەۋمەتتىك شىعىندار رەتىندە ەسەپتەلمەيدى. سەبەبى بۇل - تابىس اكەلەتىن ينۆەستيتسيا. «بارلىعىن كادرلار شەشەتىنىن» تۇسىنەمىز، سوندىقتان وبلىستىق بيۋدجەتتىڭ 40% استامىن ءبىلىم بەرۋ سالاسىنا باعىتتايمىز»، - دەپ اتاپ ءوتتى ايماق باسشىسى.

ماسەلەن، قىزىلوردا وبلىسىندا "HackDay" جاس IT-مامانداردىڭ ءبىرىنشى وڭىرلىك فەستيۆالى ۇيىمداستىرىلدى. قازىرگى تاڭدا قىزىلوردا جاستارى "IT-ەشەلون" جوباسى اياسىندا ۆەب-باعدارلامالاۋ نەگىزدەرى مەن فرونتەند-ازىرلەمەلەر بويىنشا اقىسىز نەگىزدە وقىتىلۋدا.

فورۋمعا ونلاين جانە وفلاين رەجيمىندە قر دەنساۋلىق ساقتاۋ ۆيتسە-ءمينيسترى ولجاس ابىشەۆ، "ميسيس" ۇتزۋ دامۋ جونىندەگى ديرەكتورى نۇرلان قياسوۆ، BTSDigital ءبىلىم بەرۋ جوبالارىنىڭ جەتەكشىسى ساياسات نۇربەك، ەلەكتروندىق ۇكىمەت ورتالىعىنىڭ ديرەكتورى/سينگاپۋر ۇلتتىق ۋنيۆەرسيتەتىنىڭ حالىقارالىق باعدارلاماسىنىڭ جۇيەلىك عىلىمدار ينستيتۋتىنىڭ باسشىسى اشوك كۋمار سيتحارامان، "يننوپوليس" ۋنيۆەرسيتەتىنىڭ رەكتورى الەكساندر تورماسوۆ، سونداي-اق ساندىق تەحنولوگيالار جانە ادامي رەسۋرستاردى دامىتۋ سالاسىنداعى باسقا دا ساراپشىلار قاتىستى.

ينتەرنەت پايدالانۋشىلارى ءۇشىن وبلىس اكىمدىگىنىڭ الەۋمەتتىك جەلىلەردەگى (YouTube جانە Facebook) رەسمي اككاۋنتتارى ارقىلى ونلاين ترانسلياتسيا ۇيىمداستىرىلدى.


قىزىلوردا وبلىسى

سوڭعى جاڭالىقتار

ەلەنگەن ەرلىك

ايماقتار • بۇگىن، 13:22

قاراشادا كۇن سۋىتادى

اۋا رايى • بۇگىن، 11:59

پنەۆمونيادان تاعى 5 ادام كوز جۇمدى

كوروناۆيرۋس • بۇگىن، 09:35

قاۋىپتى ىندەتكە قارسى قامدانىس

كوروناۆيرۋس • بۇگىن، 07:40

ۇقساس جاڭالىقتار