«مەن قوعامدى بىرىگىپ, زارداپ شەككەندەردى العاشقى كومەك كەرەك-جاراقتارىمەن, ماتەريالدىق كومەك, ءتىپتى جىلى سوزبەن قولداۋعا شاقىرامىن. قازىر تۇركىستان وبلىسى قيىن كەزدەردى باسىنان وتكەرۋدە. ءبىز رەسپۋبليكا بولىپ قالا تۇرعىندارىنا كومەك كورسەتۋىمىز كەرەك. مەن ارىس قالاسىنا بارىپ, تۇرعىندارعا قولداۋ بىلدىرەمىن دەپ شەشتىم », - دەدى سەرىك ساپيەۆ.
اتالعان شتاب 26 ماۋسىم مەن 6 شىلدە ارالىعىندا ۇلتتىق اكادەميالىق كىتاپحاناسى (دوستىق ك, 11) جانىنان قۇرىلادى. شتابقا كوميتەتتىڭ بارلىق ۆەدومستۆولىق مەكەمەلەرى جۇمىلدىرىلعان. سونىمەن قاتار, كوميتەت توراعاسى سەرىك ساپيەۆ جۋىق ارادا ارىس قالاسىنا بارىپ, زارداپ شەككەن تۇرعىندارعا قولداۋ ءبىلدىرۋدى جوسپارلاپ وتىر.
ايتا كەتەيىك, بۇعان دەيىن مادەنيەت جانە سپورت مينيسترلىگى قىزمەتكەرلەرى ءبىر كۇندىك جالاقىلارىن ارىس قالاسىنىڭ تۇرعىندارىنا كومەك قورىنا اۋدارامىز دەپ شەشكەن بولاتىن.
