سول كەشتە شارشى الاڭعا شىعاتىن جەرلەستەرىمىزدىڭ تۇگەلگە جۋىعىنىڭ قارسىلاستارى انىقتالدى. جاسىراتىنى جوق, ولاردىڭ اراسىندا الىمدىلار مەن قارىمدىلار دا جانە ەسىمى كوپشىلىككە بەيمالىم بوكسشىلار دا بار. ال قازاقستاندىق سپورت سۇيەر قاۋىمدى ەرەكشە قۋانتىپ وتىر جايت – دەنني ءۋيليامستىڭ الماتىعا كەلەتىندىگى.
ءيا, 45 جاستاعى ۇلىبريتانيا وكىلىنىڭ باعىندىرعان بەلەستەرى جەتەرلىك. وسىدان ءدال 15 جىل بۇرىن, ياعني 2004 جىلدىڭ 1 شىلدەسىندە ول داڭقى جەر جارعان مايك تايسوندا ءتورتىنشى راۋندتا ۇرىپ جىعىپ, ايدى اسپانعا ءبىر-اق شىعارعانى ءالى دە سان ميلليون جانكۇيەردىڭ ەسىندە. ال 2005 جىلدىڭ 1 جەلتوقسانىندا سيدنەي وليمپياداسىنىڭ جەڭىمپازى, ءوزىنىڭ وتانداسى ودلي حاريسسوندى جەڭدى.
كاسىپقوي رينگتە دەنني ۋيليامس بارلىعى 79 كەزدەسۋ وتكىزىپ, 52 رەت جەڭىس تويىن تويلادى. 39 باسەكەدە ايقىن باسىمدىق تانىتتى. الماتىداعى بوكس كەشىندە ۇلىبريتانيا سپورتشىسى 34 جاستاعى قازاقستاندىق بىلعارى قولعاپ شەبەرى رۋسلان مىرساتاەۆپەن كۇش سىناسادى.
