جوبا اۆتورىنىڭ پىكىرىنشە بۇل وركەنيتەتتى ەلدەر مەن ەجەلگى قالالاردا بۇرىننان قالىپتاسقان ءۇردىس ەكەن. وسىنداي كۇردەلى مۋزىكالىق اسپاپتىڭ ءبىرى ۆيكتور پاتساەۆ ەسكەرتكىشى ماڭىنداعى «اقتوبە ارباتى» الاڭىنا قويىلىپتى. ەگەر پيانينودا ويناعىسى كەلسە, كىم-كىمگە دە جول اشىق بولىپ شىقتى. وسىنداي ونەرلى ورەندەردىڭ ءبىرى №56 ورتا مەكتەپتىڭ 3-ءشى سىنىپ وقۋشىسى ايزەرە المۇقانوۆا بولىپ شىقتى. ونىڭ سۇيرىكتەي ساۋساقتارى كۇيساندىق پەرنەلەرىن ەركىن باسادى. وعان توسىرقاي ءارى قىزىعا قاراعان جۇرگىنشىلەر قاراسىدا از ەمەس.
بۇل پيانينونى اقتوبە قالاسىنىڭ تۇرعىنى, زەينەتكەر دانيا نۇرىشەۆا تارتۋ ەتتى. بۇل اسپاپتى نەمەرەسۋ ميلانا تەمىرباەۆا ويناعان ەكەن. ەندى اجەسى ونەرلى نەمەرەسىنە ءبىراز جىلداردان بەرى تىرنەكتەپ جيناعان زەينەتاقىسىنا جاڭا پيانينو ساتىپ الىپ بەرمەك. سونداي-اق ورىندىقسىز –پيانينونىڭ ءمانى دە ءسانى دە كەلمەيدى. بۇل رەتتە ءوزى دە بۇل اسپاپتى ەركىن مەڭگەرگەن ميراس نازيموۆتىڭ ەسىمىن دە ريزاشىلىقپەن اتاي الامىز دەيدى اقتوبە قالاسى اكىمىنىڭ ورىنباسارى ايگۇل ارىنعازيەۆا.
ەكىنشى ءبىر پيانينونىڭ «استانا» ساياباعى اۋماعىنداعى اشىق اسپان استىنان ورىن الۋىنا جلبا اۆتورى دينا نيازوۆانىڭ ءوزى باستاماشى بولىپتى. ال ونىڭ ورىندىعىن كاسىپكەر گايك تەرتەريان جاساتتىرىپ بەرگەن. پيانينوگ ءتىلى ونەر سۇيەر بۇكىل الەم جۇرتشىلىعىنا ورتاق. ونىڭ پەرنەسىنەن توگىلگەن سىرلى سازدار مەن اسەم اۋەندەر ادام جانىن سەرگەتىپ, جىلى اسەرگە بولەيدى. سوندىقتان دا ءبىز وسىنداي ايىرىقشا جوبانى ىسكە اسىرعاندى ءجون كوردىك. مۇنداعى باستى ماقسات –ونەرلى بۇلدىرشىندەر مەن جاستار, مۋزىكا ماماندارى مەن قالا تۇرعىندارى كوپشىلىك الدىندا ءوز ونەرلەرىن كورسەتىپ, وزگەلەرگە رۋحاني ءنار سىيلاسىن, ءارى ەل ىشىندەگى تالانتتاردى تۇرعىندار تاني ءتۇسسىن دەگەن وي ەدى دەپ توعانادى جوبا اۆتورى دينا نيازوۆا.
اقتوبە
