قوعام • 25 ماۋسىم، 2019

820 مىڭنان اسا قازاقستاندىق الەۋمەتتىك قولداۋ قىزمەتتەرىنىڭ بىرىڭعاي پاكەتىمەن قامتىلادى

136 رەتكورسەتىلدى

بۇگىن ۇكىمەت وتىرىسىنىڭ قورىتىندىسى بويىنشا وتكەن ءباسپاسوز كونفەرەنتسياسىندا ەڭبەك جانە حالىقتى الەۋمەتتىك قورعاۋ ءمينيسترى ب. ساپارباەۆ پرەزيدەنتتىڭ سايلاۋالدى باعدارلاماسىن ىسكە اسىرۋ بويىنشا قابىلدانىپ جاتقان شارالار تۋرالى ايتىپ بەردى.

پرەزيدەنتتىڭ سايلاۋالدى باعدارلاماسىنىڭ ءىس-قيمىل جوسپارىندا ەڭبەك جانە حالىقتى الەۋمەتتىك قورعاۋ مينيسترلىگىنە 10 پۋنكت جۇكتەلگەن جانە 10 پۋنكت بويىنشا مينيسترلىك تەڭ ورىنداۋشى. 

ب. ساپارباەۆ بۇگىنگى كۇنى مەملەكەتتىڭ 39 زەينەتاقى جانە جاردەماقى تۇرىنە كەپىلدىك بەرەتىنىن حابارلادى. وتكەن جىلى ولاردى 3،8 ملن ادام الدى، تاعى 800 مىڭ ادام مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدەر الدى. الەۋمەتتىك كومەك جۇيەسىنىڭ نەگىزگى مىندەتى - مۇقتاج جانداردى انىقتاپ، ولارعا كومەك كورسەتۋ. الەۋمەتتىك كومەكتى ارتتىرۋ ماقساتىندا 1 شىلدەگە دەيىن الەۋمەتتىك كارتالاردى قۇرۋ بويىنشا جۇمىستار اياقتالادى، بۇل ءاربىر قازاقستاندىق وتباسى جانە ولاردىڭ مۇقتاجدىعىن انىقتاۋ مۇمكىندىگىن بەرەدى. بۇگىنگى تاڭدا الەۋمەتتىك كارتالاردى قۇرۋ بويىنشا جۇمىستار ەلىمىزدە 97،1%-عا اياقتالدى. 

سونىمەن قاتار ازاماتتارعا الەۋمەتتىك قولداۋ كورسەتۋدىڭ بىرىڭعاي ستاندارتتارىن بەلگىلەۋ ماقساتىندا وڭىرلەردە اكىمدىكتەرمەن بىرلەسىپ الەۋمەتتىك قولداۋ قىزمەتتەرى مەن شارالارىنىڭ بىرىڭعاي پاكەتىن ەنگىزۋ پىسىقتالىپ جاتىر، وندا 11 كومەك ءتۇرى قامتىلعان: 1-4 سىنىپ ارالىعىنداعى وقۋشىلاردى تەگىن ىستىق تاماقپەن، مەكتەپ فورماسىمەن، وقۋلىقتارمەن جانە قۇرالدارمەن، بالالار مەن انالار ءۇشىن قوعامدىق كولىكتە تەگىن جۇرۋمەن، بالالار لاگەرلەرىندە تەگىن دەمالۋمەن، ت.ب. قامتۋ. ەحاقم بولجاۋىنشا، بيىل وسى كومەك تۇرلەرىمەن 83 ملرد تەڭگە سوماسىنا كەمىندە 823 قازاقستاندىق قامتىلۋى ءتيىس. 

زەينەتاقىمەن قامتاماسىز ەتۋگە كەلسەك، ب. ساپارباەۆ اتاپ وتكەندەي، وتكەن جىلدان باستاپ بازالىق زەينەتاقىنىڭ جاڭا فورماتى ەنگىزىلگەن. ناتيجەسىندە، بۇگىنگى تاڭدا ورتاشا زەينەتاقى كولەمى 85 785 تەڭگەنى قۇرايدى. جيىنتىق زەينەتاقىنىڭ جىل سايىن جيناقتالۋىن ەسكەرىپ، كەلەسى جىلدان باستاپ جۇمىسكەرلەردىڭ پايداسىنا جۇمىس بەرۋشىلەردىڭ 5% مىندەتتى زەينەتاقى جارناسىن قوسىمشا تولەۋى ەنگىزىلەتىن بولادى. وسىلايشا، جۇمىسكەردىڭ زەينەتاقى جارنالارىنىڭ جيىنتىق كولەمى 15% قۇرايدى. 

سونىمەن قاتار مينيستر «ەڭبەك» مەملەكەتتىك باعدارلاماسىنىڭ ىسكە اسىرىلۋ بارىسى تۋرالى ايتىپ بەردى، جىل سايىن وندا كەمىندە 530 مىڭ ادام قامتىلۋى ءتيىس. 2019 جىلى باعدارلامانى ىسكە اسىرۋعا 124 ملرد تەڭگە باعىتتالدى. 

بيىلعى جىلدى ەلباسى "جاستار جىلى" دەپ جاريالادى. وسىعان بايلانىستى مينيسترلىك ەكى جوبانى  — «جاس مامان» جانە «جاس كاسىپكەر» جوبالارىن جۇزەگە اسىرا باستادى. ۆەدومستۆونىڭ باستى ماقساتى — قازىرگى ەكونوميكا تالاپتارىنا ساي كەلەتىن مامانداردى دايارلاۋ. وسى جوبالار اياسىندا جاستاردى تاجىريبەمەن، «باستاۋ بيزنەس» باعدارلاماسىمەن، قىسقامەرزىمدى كاسىپتىك كۋرستارمەن قامتۋ، بيزنەس-يدەيالاردى ىسكە اسىرۋ ءۇشىن بەرىلگەن شاعىن نەسيەلەر مەن گرانتتار كولەمىن ۇلعايتۋ قاراستىرىلعان. 

ەلباسىنىڭ «الەۋمەتتىك قامقورلىق» الەۋمەتتىك شارالارىنىڭ ىسكە اسىرىلۋ بارىسى تۋرالى ايتا وتىرىپ، ب. ساپارباەۆ قازىرگى تاڭدا كوپ بالالى جانە از قامتىلعان وتباسىلاردىڭ جۇمىسپەن قامتىلۋىنا ىقپال ەتۋ، وسى ساناتتاعى ازاماتتاردى سۇرانىسقا يە كاسىپتەرگە قىسقا مەرزىمدى وقىتۋ جانە ۇيلەردەگى الەۋمەتتىك جۇمىس ورىندارىنا ەڭبەككە ورنالاستىرۋ شارالارىن كەڭەيتۋ جانە كۇشەيتۋ بويىنشا اۋقىمدى جۇمىستار جۇرگىزىلىپ جاتقانىن ايتتى. 

«ءبىز جۇمىس ورىندارىنىڭ قۇرىلۋىنا ۇنەمى مونيتورينگ جۇرگىزىپ وتىرۋىمىز كەرەك. بيىل 1 ماۋسىمدا ءبىز جۇمىس ورىندارىن قۇرۋدىڭ ينتەراكتيۆتى كارتاسىن ىسكە قوستىق. ۇلتتىق ەكونوميكا مينيسترلىگىمەن بىرلەسىپ بارلىق 14 مەملەكەتتىك باعدارلاما بويىنشا ءبىز اي سايىن جاڭا جۇمىس ورىندارىنىڭ قۇرىلۋىن باقىلاپ، تالداۋ جۇرگىزىپ وتىرامىز. بۇل مەملەكەتتىك باعدارلامالاردى قۇراستىرعاندا بارلىق باعىتتار بويىنشا الەۋمەتتىك جۇمىس ورىندارىن قۇرۋعا مۇمكىندىك بەرەدى»، — دەپ ناقتىلادى مينيستر. 

ەڭبەك نارىعىن جاڭا سىن-تەگەرۋىندەرگە دايىنداۋ جانە جاڭعىرتۋ ماقساتىندا كادرلارعا قاجەتتىلىكتى بولجاۋدىڭ ۇشدەڭگەيلى جۇيەسى ەنگىزىلەدى. سونىمەن قاتار ۇلتتىق بىلىكتىلىك جۇيەسىن قۇرۋ جالعاسۋدا. ەڭبەك قۇقىقتارىن ساقتاۋدى قامتاماسىز ەتۋ ءۇشىن كاسىپورىنداردا ەڭبەك تاۋەكەلدەرىنە مونيتورينگ جاساۋ بويىنشا جۇمىستار جۇرگىزىلۋدە، ەلەكتروندى ەڭبەك كەلىسىمشارتتارى جۇيەسى ەنگىزىلۋدە جانە الەۋمەتتىك ارىپتەستىك دامىتىلۋدا. 

كوشى-قون پروتسەستەرىن رەتتەۋ ماسەلەسىندە قازاقستاندا قازىر ەتنيكالىق قازاقتاردى تاريحي وتانىنا قايتارۋعا ىنتالاندىرۋدىڭ كەشەندى جۇيەسى جۇمىس ىستەيدى. بيىلعى جىلدىڭ باسىنان بەرى  6 479 ەتنيكالىق قازاق تاريحي وتانىنا ورالدى. سونىمەن قاتار ەلىمىزدىڭ ەڭبەك كۇشى كوپ وڭىرلەرىنەن ادامدار ەڭبەك كۇشى از وڭىرلەرگە - وڭتۇستىكتەن سولتۇستىككە قونىس اۋدارۋدا. بۇگىندە  900-گە جۋىق ادام قونىس اۋداردى. 

«جالپى، پرەزيدەنتتىڭ بارلىق تاپسىرمالارى باقىلاۋدا جانە ءبىز ولاردىڭ ۋاقىتىلى ءارى ساپالى ورىندالۋىن قامتاماسىز ەتەمىز»، — دەپ تۇيىندەدى ءسوزىن ب. ساپارباەۆ.

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار