قازىرگى كەزدە وسى جارىستىڭ بيلەتتەرى Kassir.kz, Ticketon.kz جəنە Zakazbiletov.kz. سايتتارى ارقىلى ساتىلىمعا شىقتى. ەستەرىڭىزگە سالا كەتەيىك, دۇنيەجۇزىلىك دودا ەڭ مىقتى بالۋانداردىڭ باسىن قوسادى. ايتۋلى باسەكەدە جۇلدەلەرمەن قاتار 2020 جىلى توكيودا الاۋى تۇتاناتىن وليمپيا ويىندارىنىڭ دا جولدامالارى ساراپقا سالىنادى.
– نۇر-سۇلتانداعى ءدۇبىرلى دودانى تاماشالاۋ ءۇشىن الەمنىڭ əر قيىرىنان كوپتەگەن جانكۇيەرلەر كەلەدى دەپ كۇتىلۋدە. سوندىقتان دا ءوز وتانداستارىمىزعا «قازىردەن باستاپ, بيلەت ساتىپ الىڭىزدار» دەپ كەڭەس بەرەمىز. بيلەتتەر باعاسى قولجەتىمدى – 1 000 مەن 10 000 ارالىعىندا. شەتەلدە وتەتىن وسىنداي دەڭگەيدەگى جارىستارمەن سالىستىرعاندا, بۇل əلدەقايدا ارزان. بۇگىنگى تاڭدا كۇرەس تۇرلەرى فەدەراتسياسىنا əلەمنىڭ كوپتەگەن ەلدەرىنەن بيلەت الۋ جونىندە ۇسىنىستار تۇسۋدە. Əسىرەسە, رەسەي ەرەكشە بەلسەڭدىلىك تانىتۋدا. بىراق بىزدە بيلەتتەردى ساتۋ مۇمكىندىگى جوق. سول سەبەپتى دە بيلەتتەردى رەسمي ديستريبيۋتورلار ارقىلى ساتىپ العان ءجون. ەگەر ءبىز قۇقىلى بولعاندا كۇرەس تۇرلەرى فەدەراتسياسىنىڭ مۇرىندىق بولۋىمەن وتەتىن بارلىق جارىستارداعىداي əلەم چەمپيوناتىنىڭ دا بيلەتتەرىن تەگىن تاراتاتىن ەدىك – دەيدى رەسپۋبليكالىق كۇرەس فەدەراتسياسىنىڭ باس حاتشىسى اناتولي ۆولوحا.
