ارىس قالاسىنداعى توتەنشە جاعدايعا بايلانىستى
قازاقستان رەسپۋبليكاسى كاسىپوداقتار فەدەراتسياسىنىڭ
ۇندەۋى
كاسىپوداقتار فەدەراتسياسى ارىس قالاسىنداعى تەحنوگەندىك توتەنشە وقيعا تۋرالى اقپاراتتى قۇلازىعان كوڭىلمەن قابىلداپ, اسا اۋىر قيىندىققا تاپ بولعان قالا تۇرعىندارى مەن اسكەري قىزمەتشىلەردىڭ ءومىرى مەن دەنساۋلىعىنا ۇلكەن الاڭداۋشىلىق بىلدىرەدى.
اپاتتىڭ ايتىپ كەلمەيتىنى – اقيقات! سوندىقتان وسى قيىندىقتا ءبىز, بارشا قازاقستاندىقتار, «ءبىر جاعادان باس, ءبىر جەڭنەن قول شىعارا وتىرىپ», بىرلىكتى تۋ ەتكەن ەل ەكەنىمىزدى دالەلدەۋگە ءتيىسپىز. «كۇش – بىرلىكتە» دەگەندەي, ەل باسىنا تۇسكەن بۇل اۋىر جاعداي قابىرعامىزدى قايىستىرسا دا, ەرىك-جىگەرىمىزدى جاسىتىپ, ساعىمىزدى سىندىرماۋى ءتيىس.
ەلىمىز ورتاق, جەرىمىز ورتاق, ياعني, ارىستىق باۋىرلارىمىزدىڭ باسىنا تۇسكەن بۇل اۋىر جاعداي دا بəرىمىزگە ورتاق. ەندەشە بارلىعىمىز ازاماتتىق پەن ادامگەرشىلىك تانىتا وتىرىپ, ورتاق اپاتتان تىس قالماي, قولىمىزدان كەلگەنشە زارداپ شەككەن باۋىرلارىمىزعا جان-جاقتى ماتەريالدىق, الەۋمەتتىك جانە پسيحولوگيالىق كومەك كورسەتەيىك.
قازىر كاسىپوداقتار فەدەراتسياسىنىڭ اۋماقتىق بىرلەستىكتەرى زارداپ شەككەندەرگە كومەك كورسەتۋ ماقساتىندا رەسپۋبليكامىزدىڭ بارلىق ايماقتارىندا ارنايى ۇيىمداستىرۋ ءىس-شارالارىن شۇعىل باستاپ كەتتى.
وسى ورايدا ءبىز رەسپۋبليكامىزدىڭ بارلىق كاسىپوداق مۇشەلەرىن, جۇمىس بەرۋشىلەر مەن بيزنەس وكىلدەرىن كومەك كورسەتۋ جۇمىستارىن قولعا العان كəسىپوداقتار فەدەراتسياسىنىڭ اۋماقتىق بىرلەستىكتەرى توراعالارىنىڭ جانىنا توپتاسىپ, يگىلىكتى ءىستى بىرلەسە اتقارۋعا شاقىرامىز.
قازاقستان رەسپۋبليكاسى
كاسىپوداقتار فەدەراتسياسىنىڭ توراعاسى
باقىتجان Əبدىرايىم
