«قازىرگى ۋاقىتتاعى جاعداي بويىنشا, بارلىعى 165 ادام مەديتسينالىق كومەككە جۇگىنگەن. 76 ادامعا امبۋلاتوريالىق كومەك كورسەتىلدى. 19 پاتسيەنت ستاتسيونارلىق ەمگە جاتقىزىلدى. جانساقتاۋ بولىمدەرىندە 15 ناۋقاس بار. پاتسيەنتتەردىڭ نەگىزگى بولىگى شىمكەنت قالاسىنداعى وبلىستىق كلينيكالىق, وبلىستىق بالالار اۋرۋحاناسىندا جانە قالالىق اۋرۋحانالارعا جاتقىزىلدى. كەيبىر پاتسيەنتتەر تۇركىستان وبلىسىنىڭ اۋداندىق اۋرۋحانالارىندا ەمدەلۋدە. مەديتسينالىق كومەك كورسەتۋ ءۇشىن جالپى 22 جەدەل مەديتسينالىق بريگادا جۇمىلدىرىلدى. ولاردىڭ ىشىندە ءتورت بريگادا جامبىل وبلىسىنان جىبەرىلدى. قازىرگى ۋاقىتتا قوسىمشا 52 بريگادا دايىندىقتا وتىر. ەكى تىكۇشاق دايىن. جالپى, الماتى قالاسىنان كومەك كورسەتۋ ءۇشىن ەكى مورتەديستسيپلينارلىق كوماندا جىبەرىلدى. ولاردىڭ اراسىندا رەانەماتولگتار, تراۆماتولوگتار, نەيروحيرۋرگتار بار. قازىرگى ۋاقىتتا جانساقتاۋ بولىمىندە ەكى بالا جاتىر. بارلىق ناۋقاستار دەنساۋلىق ساقتاۋ مينيسترلىگىنىڭ باقىلاۋىندا», دەدى ەلجان ءبىرتانوۆ.
