بۇل سىن وسكەلەڭ ۇرپاققا دا قاتىستى. ءوز ءوڭىرىنىڭ عانا تاريحىن بىلەتىن جاس كۇنى ەرتەڭ تۇتاس ەلدىڭ قامىن قالاي جەيدى, قالاي بىلىكتى ۇرپاق, بولىپ قالىپتاسادى؟!
ەندى وسى ولقىلىقتاردى جەكەلەگەن وقۋ ورىندارىنىڭ ءوزى تولتىرىپ جاتقاندىعى قۋانتادى. قىزىلورداعا نازارباەۆ زياتكەرلىك مەكتەپتەرىنىڭ «تۋعان جەرگە تاعزىم» جوباسى اياسىندا الماتى مەن قوستاناي وبلىسىنان وقۋشىلار ەكسپەديتسياسى كەلدى. ولار ءبىر اپتا بويى ءوڭىردىڭ تاريحى مەن مادەنيەتىن جانە يننوۆاتسيالىق نىسانداردى زەرتتەمەك. ولكەتانۋ زەرتتەۋ ەكسپەديتسياسى العاشقى كۇنى وبلىستىق تاريحي-ولكەتانۋ مۋزەيىندە بولىپ, ءوڭىردىڭ وتكەنى مەن بۇگىنگىسىن بەدەرلەيتىن ەكسپوناتتارمەن تانىستى. سىر جاعاسىندا ورىن تەپكەن بۇل ايماقتىڭ ءوز تاريحىندا كورمەگەن قۇقايى جوق. ايبالتالارى كۇنگە جارقىراپ, قىلىشتارى سالاقتاپ قوقاڭداعان قوقاندىقتار اقمەشىت قالاشىعىنىڭ نەگىزىن سالدى. رەسەي پاتشاسىنىڭ وقپانى سورايعان زەڭبىرەكتەرىن سۇيرەگەن ورىس ارمياسى پەروۆسك دەپ وزگەرتتى. سۇلتانبەك قوجانوۆ باستاعان الاش ارىستارى كەمسىتۋ ماعىناسىن بەرەتىن «قىرعىز-قايساقتان» قازاق اتاۋىن قايتارىپ, جاڭا قالاعا «قىزىلوردا» اتاۋىن بەرگەنگە دەيىنگى قيلى تاريحىن بىلمەككە قۇشتار وقۋشىلاردىڭ تانىمىن جاڭا دەرەكتەرمەن تولىقتىردى.
وقۋشىلار ەكسپەديتسياسى قورقىت اتا اتىنداعى ۋنيۆەرسيتەتتىڭ ارحەولوگيا جانە ەتنوگرافيا ورتالىعىندا شىرىك-رابات, جانكەنت, سىعاناق, اقمەشىت اتاۋىن العان ءتورت استانا ورتالىعى بولعان كونە قالالاردىڭ باي تاريحىمەن تانىستى.
وبلىستىق امبەباپ عىلىم كىتاپحاناسىندا سىر ءوڭىرىنىڭ ماقتانىشتارى ءابدىلدا تاجىباەۆ پەن قالتاي مۇحامەدجانوۆتىڭ شىعارماشىلىعىنا ارنالعان كورمەنى ارالادى. وسىندا وقۋشىلار حالىقارالىق جازۋشىلار وداعىنىڭ ءمۇشەسى, «شابىت» شىعارماشىلىق فەستيۆالىنىڭ جۇلدەگەرى, ءبىرنەشە جىر جيناقتارىنىڭ اۆتورى تولقىن قابىلشامەن كەزدەسىپ, جەكە شىعارماشىلىعىمەن تانىستى.
وقۋشىلار ەكسپەديتسياسى ەندى ءبىر اپتا بويى اقمەشىت-پەروۆسكىنىڭ تاريحىنان بولەك, سىعاناق قالاشىعىنىڭ دەرەكتەرىمەن, قاراتاۋ بوكتەرىندەگى قولا داۋىرىنە جاتاتىن پەتروگليفتەرمەن جانە سىردارياسىمەن سۇلۋ شاھاردىڭ ەسكەرتكىشتەرىمەن تانىسادى. تۋعان جەردىڭ تاريحىن تانۋ وسىنداي ىزگى نيەتتەردەن باستالادى.
قىزىلوردا وبلىسى
