ايماقتار • 22 ماۋسىم، 2019

قاراعاندىدا مەملەكەتتىك قىزمەتشىلەر ماراپاتتالدى

384 رەت كورسەتىلدى

كەنشىلەر استاناسىندا كاسىبي مەرەكەلەرى قارساڭىندا ۇزدىك مەملەكەتتىك قىزمەتشىلەردىڭ ءبىر توبى ماراپاتتالدى.

«دوستىق ۇيىندە» وتكەن سالتاناتتى شارادا وبلىس اكىمى ەرلان قوشانوۆ قۇتتىقتاۋ ءسوز سويلەپ، مەملەكەتتىك قىزمەتشى بولۋدىڭ ۇلكەن ەڭبەك جانە ەرەكشە جاۋاپكەرشىلىك ەكەنىن اتاپ ءوتتى.

– ءبىزدىڭ مىندەتىمىز – ازاماتتارىمىزدىڭ جايلى ءومىرى مەن جەمىستى جۇمىسى ءۇشىن جاعداي جاساۋ. ەل پرەزيدەنتى بيلىككە دەگەن سەنىم ءبىزدىڭ ارقايسىمىزدان، تۇرعىندارمەن اشىق ديالوگتان باستالاتىنىن ايتادى. ءبىز بۇل ديالوگتى كۇن سايىن قۇرۋىمىز قاجەت. ءبىز ءۇشىن بولماشى پروبلەمالار دەگەن بولماۋى كەرەك. بارلىق وزەكتى ماسەلەلەردى ءبىز ۋاقتىلى جانە تولىق شەشەتىن بولساق، ادامدار ونىڭ شەشىمىن باسقا جەردەن ىزدەمەيدى، – دەي كەلە ءوڭىر باسشىسى  مەملەكەتتىك قىزمەتشىلەرگە ادالدىقتارى مەن ەرەن ەڭبەكتەرى ءۇشىن العىس ايتتى.

سالتاناتتى ءراسىم كەزىندە جاڭاارقا اۋداندىق ۆەتەريناريا ءبولىمىنىڭ باس مامانى لاشىن تولەۋ مەن قاراجال قالالىق دەنە شىنىقتىرۋ جانە سپورت ءبولىمىنىڭ باسشىسى ارتەم كيم سىندى جاس قىزمەتكەرلەر انت بەردى.

مەملەكەتتىك قىزمەتشىلەر كۇنىنە ارنالعان سالتاناتتى شارانىڭ سوڭى جەرگىلىكتى ونەرپازدار قويعان مەرەكەلىك كونتسەرتپەن تۇيىندەلدى.

قازىرگى تاڭدا قاراعاندى وبلىسىندا 7 مىڭ مەملەكەتتىك قىزمەتشى جۇمىس ىستەيدى ەكەن. سونىڭ 3،1 مىڭى – جاستار. 

ەسكە سالساق، قازاقستاندا «مەملەكەتتىك قىزمەتشى كۇنى» 2014 جىلدىڭ 23 ماۋسىمىنان باستاپ رەسمي تۇردە اتاپ وتىلەدى.


قاراعاندى وبلىسى

 

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار