قازاقستان • 21 ماۋسىم، 2019

قازاقستان تمد ەلدەرىنە قۇرىلىس سالاسىنداعى بىرىڭعاي جىكتەۋ جانە كودتاۋ جۇيەسىن ەنگىزۋدى ۇسىندى

267 رەت كورسەتىلدى

تيۋمەن قالاسىندا ءوتىپ جاتقان تمد ەلدەرىنىڭ قۇرىلىس سالاسىنداعى ىنتىماقتاستىق بويىنشا ۇكىمەتارالىق كەڭەستىڭ XXXIX وتىرىسىندا قر قۇرىلىس جانە كوممۋنالدىق-شارۋاشىلىق ىستەرى كوميتەتىنىڭ توراعاسى مارحابات جايىمبەتوۆ تمد ەلدەرىنە نورماتيۆتىك-قۇقىقتىق دەڭگەيدە وسى جىكتەۋ جانە كودتاۋ جۇيەسىن بەكىتۋ ماسەلەسىن قاراستىرۋدى ۇسىندى.

قازاقستاندا حالىقارالىق تالاپتارعا سايكەس كەلەتىن بىرىڭعاي ءۆىم-باعىتتالعان قۇرىلىس اقپاراتىن جىكتەۋ جۇيەسىن قۇرۋدا اۋقىمدى جۇمىس ءجۇرىپ جاتىر.

بىرىڭعاي جىكتەۋ جانە كودتاۋ جۇيەسى تمد ەلدەرىنىڭ اراسىنداعى قۇرىلىس سالالارىندا ينتەگراتسيالىق ۇدەرىستەردى جۇزەگە اسىرۋ ءۇشىن مۇمكىندىك اشادى.

مارحابات جايىمبەتوۆ اعىمداعى ۋاقىتتا قازاقستاندا جانە باسقا دا تمد قاتىسۋشى ەلدەرىندە ءوزارا بايلانىسپاعان، بىتىراڭقى جىكتەۋشىلەر قاتارى بار ەكەندىگىن حابارلادى. باعا بەلگىلەۋ جۇيەسىنىڭ جىكتەۋشىلەرى قۇرىلىس سالاسى ءۇشىن ونەركاسىپ يەلەرىمەن پايدالانىلاتىن تاۋارلىق نومەنكلاتۋرا جىكتەۋشىسىمەن سايكەس كەلمەيدى، بىراق، سول باسقا قىزمەتتىڭ دە ماقساتى عيماراتتىڭ نەمەسە قۇرىلىستىڭ قۇرىلىسىن سالۋ بولىپ تابىلادى.

قۇرىلىستاعى بىرىڭعاي جىكتەۋ جانە كودتاۋ جۇيەسىن قۇرۋدىڭ نەگىزگى ماقساتى ۇلتتىق ستاندارتتاردى حالىقارالىق تالاپتارمەن ۇيلەستىرۋ شارتتارىنا نەگىزدەلگەن بىرىڭعاي اقپاراتتىق قاڭقا قۇرۋ بولىپ تابىلادى.

بىرىڭعاي جىكتەۋ جانە كودتاۋ جۇيەسىن ازىرلەۋمەن قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىنىڭ («قازقسعزي» اق) ماماندارى اينالىسادى.

«قۇرىلىس سالاسىنداعى اقپاراتتىق مودەلدەۋگە كوشۋ وسىعان دەيىن «تۇرپايى» جوبالاۋ كەزىندە وزەكتى جانە باسىم بولماعان ماسەلەلەر قاتارىن، مىسالى، قۇرىلىس ۇدەرىسىنە قاتىسۋشىلاردىڭ اراسىندا اقپارات بەرۋ سياقتى  پروبلەمانى كوتەردى. بىرىڭعاي جىكتەۋشى اقپاراتتى ءدال سايكەستەندىرۋگە جانە تۇسىنبەستىكتى ازايتۋعا مۇمكىندىك بەرەدى. جىكتەۋشىنىڭ نەگىزگى ءرولى قۇرىلىس اقپاراتىنىڭ فۋنكتسيونالدىق جانە تەحنيكالىق سيپاتتامالارىن ءبولۋ بولىپ تابىلادى. جىكتەۋشى مىناداي اقپارات اسپەكتىلەرىن قامتيدى: ورنالاسۋى، فۋنكتسيونالدىق تاعايىندالۋى جانە تەحنيكالىق جۇيەلەرگە تيىستىلىك اسپەكتىسى. جىكتەۋدىڭ بۇل ءتاسىلى اتومدىق سالادا پايدالانىلادى. ءبىز ونى قۇرىلىس سالاسىنىڭ ەرەكشەلىكتەرىن ەسەپكە الا وتىرىپ، بەيىمدەدىك جانە قولداندىق. قازىرگى ۋاقىتتا قازاقستاندا اقپاراتتىق پلاتفورما ىسكە اسىرىلدى، ول قر قۇرىلىس جانە كوممۋنالدىق-شارۋاشىلىق ىستەرى كوميتەتىنىڭ سايتىندا قولجەتىمدى»، دەپ تۇسىندىرەدى «قازقسعزي» اق دامۋ جانە تسيفرلاندىرۋ جونىندەگى باسقارۋشى ديرەكتورى الەكساندر شاحنوۆيچ.

الەكساندر شاحنوۆيچ قۇرىلىس اقپاراتىن بىرىڭعاي جىكتەۋ جانە كودتاۋ جۇيەسىمەن جۇمىس ۇدەرىسى تۋرالى ايتا كەلە، تمد ەلدەرىنىڭ ماماندارىنا تمد قاتىسۋشى ەلدەرىنىڭ قۇرىلىس كەشەنىندەگى تەحنيكالىق رەتتەۋ ماسەلەلەرى بويىنشا بازالىق ۇيىمىنىڭ (فسو فام) جانىنداعى تمد ەلدەرىنىڭ قۇرىلىسىنداعى اقپاراتتىق مودەلدەۋ تەحنولوگيالارى سالاسىنداعى نورماتيۆتىك-تەحنيكالىق بازانى دامىتۋ جونىندەگى كوميسسيا جۇمىسىنىڭ شەڭبەرىندە وسى جوباعا قوسىلۋدى ۇسىندى.

الماتى

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار