ءوتىپ بارا جاتقان جولاۋشىلار كولىكتەرىن توقتاتىپ, ءبىزدىڭ وڭىرگە تاڭسىق جانۋارلاردى ۇلكەن قىزىعۋشىلىقپەن تاماشالاپ, ولاردى فوتو جانە بەينە كامەرالارعا جاپپاي ءتۇسىرىپ جاتتى.
دالادا جايىلىپ جۇرگەندەي اسەر قالدىرعانمەن, شىن مانىسىندە بۇل جانۋارلار قاراعاندى قالاسىندا 23-30 ماۋسىم ارالىعىندا وتەتىن «پىلدەر كارناۆالى» شوۋ-دۋمانىنا اكەلە جاتقان پىلدەر بولىپ شىقتى.
ارقا توسىنە ايالداعان الىپ جانۋارلاردىڭ قولدان ۋاقىتشا جاسالعان قورشاۋ ىشىندە, ۇيرەتۋشىنىڭ تولىقتاي باقىلاۋىندا بولعانىن ايتا كەتۋ كەرەك. بولجام بويىنشا, اتالعان شوۋدى ۇيىمداستىرۋشىلار الىس جولدى ارتقا تاستاپ, مەجەلى جەرگە جەتكەننەن كەيىن جانۋارلاردى تازا اۋاعا شىعارىپ, از-ماز دەمالدىرىپ العىلارى كەلگەن بولسا كەرەك.
قاراعاندى وبلىسى
