ءبىلىم جانە عىلىم مينيسترلىگىنىڭ جوعارى وقۋ ورنىنان كەيىنگى ءبىلىم بەرۋ دەپارتامەنتىنىڭ ديرەكتورى ادىلەت تويباەۆتىڭ ايتۋىنشا, ۇبت-نىڭ العاشقى كۇنىندە رەسپۋبليكا بويىنشا 12 772 تۇلەك باق سىناعان.
«جالپى ءبىرىنشى لەكتە تەست تاپسىرۋعا 13068 تۇلەك ءوتىنىش بەردى. سونىڭ 97 پايىزى سىناققا قاتىستى. ونىڭ ىشىندە 11 361 تۇلەك - قازاق تىلىندە, 1411 تۇلەك - ورىس تىلىندە. ۇبت ەلىمىزدىڭ 6 وڭىرىندە ءوتتى. اتاپ ايتقاندا, نۇر-سۇلتان قالاسى جانە الماتى, اقتوبە, اتىراۋ, ماڭعىستاۋ جانە تۇركىستان وبلىستارىندا بارلىعى 39 تەست تاپسىرۋ بەكەتى جۇمىس ىستەدى», - دەدى مينيسترلىك وكىلى.
ادىلەت تويباەۆتىڭ ايتۋىنشا, بيىلعى تەستىلەۋدىڭ قورىتىندىسى بويىنشا مەكتەپتەر مەن وڭىرلەردىڭ ورتاشا كورسەتكىشى ەسەپتەلمەيدى جانە رەيتينگى قۇرىلمايدى.
«ءمينيستردىڭ ۇكىمەت وتىرىسىندا ۇبت ناتيجەلەرىن رەيتينگتەرگە قوسپاۋ ۇسىنىلعانىن بىلەسىزدەر. جەرگىلىكتى اكىمدىكتەر اراسىندا نەگىزسىز باسەكە بولماۋ ءۇشىن وسىنداي قادامعا بارىپ وتىرمىز. ويتكەنى, ۇبت ناتيجەسى قانداي دا ءبىر رەيتينگ ءتۇزۋ ءۇشىن وتكىزىلمەيدى. ۇبت-نىڭ شەكتىك دەڭگەيىنەن سۇرىنبەي وتكەن تۇلەكتەر سانى - 9338. بۇل 76,5 پايىز دەگەن ءسوز. ال شەكتىك بالدى جيناي الماعان تۇلەكتەر سانى - 3434», - دەدى دەپارتامەنت باسشىسى.
