الماتى وبلىسىنىڭ جامبىل اۋدانىندا تۇراتىن جاس وتباسى تاڭاتار مەن ەلميرانىڭ شاڭىراعىندا ەندى 4 بالا قاتار ويناپ وسەتىن بولدى. تاڭاتاروۆتار اۋلەتىنىڭ بۇعان دەيىن 2 جاسار ۇلى بار ەدى, قازىر حان ەسىمدى باتىردىڭ سوڭىنان ايداي, نۇراي, شىراي ەسىمدى ءۇش قىز ەردى. ماۋسىمنىڭ ءۇشى كۇنى جارىق دۇنيەگە كەلگەن سابيلەردى دارىگەرلەر باقىلاۋدا ۇستاپ, انا مەن بالا دەنساۋلىعىنا تونەتىن قاۋىپ جوقتىعىنا كوز جەتكىزىپ بارىپ ۇيىنە شىعۋعا رۇحسات بەرگەن ەكەن.
- وبلىستا بالا تۋ كورسەتكىشى جىل سايىن وسۋدە. ماسەلەن, 2018 جىلى ايماقتا 40 585 نارەستە ومىرگە كەلگەن ەكەن. ونىڭ ىشىندە 366 ەگىز تۋعان. ال بيىلعى 5 اي ارالىعىندا 16333 ءسابي امان-ەسەن دۇنيەگە كەلدى. قۋانىشتىسى, وسى جىلى 135 انا ەگىز ءسابي بوسانسا, 2 وتباسىندا ۇشەم وسەتىن بولدى. بۇل – وڭىردەگى انا مەن بالا دەنساۋلىعىن ساقتاۋ باعىتىنداعى جۇمىستاردىڭ وڭ ناتيجەسى, - دەيدى الماتى وبلىستىق دەنساۋلىق ساقتاۋ باسقارماسىنىڭ باسشىسى باۋىرجان ىسقاق.
الماتى وبلىسى
