مەديتسينا • 21 ماۋسىم، 2019

مۇمكىندىگى شەكتەۋلى تۇلەكتەر تابىسقا جەتە الا ما؟

266 رەت كورسەتىلدى

بۇگىن الماتى وبلىسى ىلە اۋدانىنىڭ ورتالىعىندا وتەگەن باتىر اۋىلىندا «پروگرەسس» پوليتەحنيكالىق كوللەدجىنىڭ تۇلەكتەرىنە سەرتيفيكاتتاردى تابىستاۋدىڭ سالتاناتتى ءراسىمى ءوتتى. تۇلەكتەر ەرەكشە جاندار – بۇل ەڭبەك نارىعىندا سۇرانىسى بار ماماندىقتار بويىنشا ءبىلىم العان مۇمكىندىكتەرى شەكتەۋلى جاندار، ال كەيبىر ماماندىقتاردى – مىسالى، بەينە-وپەراتور، ساڭىراۋقۇلاق ءوسىرۋشى سىندى ماماندىقتاردى وزدەرى ۇسىنعان-دى.

بۇگىن الماتى وبلىسى ىلە اۋدانىنىڭ ورتالىعىندا وتەگەن باتىر اۋىلىندا «پروگرەسس» پوليتەحنيكالىق كوللەدجىنىڭ تۇلەكتەرىنە سەرتيفيكاتتاردى تابىستاۋدىڭ سالتاناتتى ءراسىمى ءوتتى. تۇلەكتەر ەرەكشە جاندار – بۇل ەڭبەك نارىعىندا سۇرانىسى بار ماماندىقتار بويىنشا ءبىلىم العان مۇمكىندىكتەرى شەكتەۋلى جاندار، ال كەيبىر ماماندىقتاردى – مىسالى، بەينە-وپەراتور، ساڭىراۋقۇلاق ءوسىرۋشى سىندى ماماندىقتاردى وزدەرى ۇسىنعان-دى.

– بىزبەن وسى قيىن جولدى بىرگە وتكەرگەن تالىمگەرلەرىمىزگە، وقىتۋشىلارىمىزعا، كۇشى مەن ۋاقىتىن اياماي، ءاردايىم اقىل-كەڭەسپەن جاردەمدەسكە جاندارعا العىس ايتقىم كەلەدى. وسى وقۋدىڭ ارقاسىندا مەن يدەيالارىمدى جۇزەگە اسىرىپ، ءوزىمدى لايىقتى قامتاماسىز ەتۋگە مۇمكىندىك بەرەتىن جاڭا شىعارماشىلىق ماماندىقتى يگەردىم، – دەدى كوللەدج تۇلەگى، تىگىن بۇيىمدارىن تىگۋ ءىسىنىڭ شەبەرى ەلەنا ميگەروۆا.

الماتى وبلىسىنىڭ ىلە اۋدانىندا 4 500-دەن استام مۇگەدەك تۇرادى. قازىرگى تاڭدا مۇگەدەكتەر جۇمىسپەن ءىس جۇزىندە قامتاماسىز ەتىلمەگەن، ولاردىڭ جالعىز تابىسى مەملەكەتتىك الەۋمەتتىك قامسىزداندىرۋ بولىپ تابىلادى.

ەرەكشە قاجەتتىلىكتەرى بار ستۋدەنتتەردى «پروگرەسس» پوليتەحنيكالىق كوللەدجىندە وقىتۋ توعىز جىل بويى جالعاسىپ كەلەدى. وسى جىلدار ىشىندە 270-تەن استام ادام تىگىنشى، شاشتاراز، ساڭىراۋقۇلاق ءوسىرۋشى، ناۋبايشى، مانيكيۋر مامانى، اياق كيىم جوندەۋ مامانى، ماسساجيست ماماندىقتارى بويىنشا سەرتيفيكات العان، ال 2016 جىلدان باستاپ كومپيۋتەرلىك ساۋاتتىلىق بويىنشا وقىتۋ جۇرگىزىلۋدە. سونداي-اق، ستۋدەنتتەر كاسىپكەرلىك نەگىزدەرىنە ۇيرەنەدى، ءوز بيزنەسىن اشۋ نەمەسە تابىستى جۇمىسقا ورنالاسۋ ءۇشىن قاجەتتى داعدىلاردى يگەرەدى، ال ەڭ باستىسى – الەۋمەتتىك بەيىمدەلۋ مۇمكىندىگىنە يە بولادى.

– مەن تۇلەكتەردى كوپتەن كۇتكەن وقيعا –  سەرتيفيكاتتاردى الۋ ساتىمەن شىن جۇرەكتەن قۇتتىقتاي وتىرىپ، الدىمەن العىسىمىزدى بىزگە كوپتەگەن جىلدار بويى قارجىلىق قولداۋ كورسەتىپ كەلە جاتقان «فيليپ مورريس قازاقستان» كومپانياسىنا ايتقىم كەلەدى. مەن، فمق-مەن بىرلەسە وتىرىپ، اۋىلدىق جەردەگى ەرەكشە ادامداردىڭ ومىرلەرىن جاقسارتۋعا باعىتتالعان الەۋمەتتىك جوبانىڭ ىسكە اسىرىلۋىن ءارى قاراي جالعاستىرا تۇسەمىز دەپ ۇمىتتەنەمىن، – دەيدى «پروگرەسس» كوللەدجىنىڭ ديرەكتورى جاننا تەلپەكباەۆا.

بۇگىنگى تاڭدا 75 تۇلەك جۇمىسقا ورنالاستىرىلعان، ولار ەستۋ قابىلەتى ناشارلاعاندارعا ارنالعان «الماتى» وندىرىستىك بىرلەستىگىندە، كيىم مەن ارنايى كيىمدى تىگۋ بويىنشا كومپانيالاردا، وڭتۇستىك ەلوردانىڭ ساۋدا ويىن-ساۋىق ورتالىقتارىنداعى كيىم مەن اياق كيىم جوندەۋ شەبەرحانالارىندا ەڭبەك ەتۋدە. ون شەبەر «پروگرەسس» كوللەدجى جانىنداعى تىگىن شەبەرحاناسىنا قىزمەتكە ورنالاستىرىلعان. كوپتەگەن بىتىرۋشىلەر ءۇي جاعدايىندا ساتۋ ءۇشىن اسپا ساڭىراۋقۇلاقتاردى وسىرەدى; جەكە تاپسىرىستاردى ورىنداي وتىرا، ۇيدە نان-توقاش ونىمدەرىن پىسىرەدى، سونداي-اق، وزدەرىنىڭ ونىمدەرىن فيليپ مورريس قازاقستان فابريكاسىندا ارنايى ۇيىمداستىرىلاتىن جارمەڭكەلەردە ساتادى.

«فيليپ مورريس قازاقستان» كومپانياسى «پروگرەسس» پوليتەحنيكالىق كوللەدجىمەن ىنتىماقتاستىقتى 2010 جىلى ەرەكشە كۇتىمدى قاجەت ەتەتىن ادامداردى الەۋمەتتىك بەيىمدەۋ بويىنشا بىرلەسكەن جوبانى ىسكە اسىرۋ ارقىلى باستاعان. جوبا اياسىندا ءىى جانە ءىىى مۇگەدەكتىك توپتارداعى ادامدار تەحنيكالىق ماماندىقتى تەگىن الا الادى. بۇل رەتتە كاسىبي دايارلاۋ ەڭبەك نارىعىندا سۇرانىسى بار ماماندىقتار بويىنشا جۇرگىزىلەدى.

«فيليپ مورريس قازاقستان» كومپانياسى وسى جوبانى ىسكە اسىرۋعا 40 ميلليوننان استام تەڭگە بولگەن بولاتىن. قاراجات قاجەتتى ماتەريالدار مەن قۇرالداردى ساتىپ الۋعا، وقۋ ءدارىسحانالارىنىڭ قوسىمشا جيىنتىقتارىنا، وقىتۋشىلار جالاقىسىنا، وقۋلىقتار مەن ستۋدەنتتەردى وقىتۋعا ارنالعان وقۋ قۇرالدارىنا باعىتتالدى. جوبا قوعامنىڭ دامۋىنا ەلەۋلى ۇلەسى ءۇشىن 2018 جىلى امەريكا ساۋدا پالاتاسىنىڭ جۇلدەسىنە يە بولدى.

اعىمداعى جىلدىڭ ەكىنشى جارتىسىندا كوللەدج جاڭا توپتى وقۋعا قابىلدايدى. ءبىلىم بەرۋ مەكەمەسى مەن بيزنەس اراسىنداعى الەۋمەتتىك ارىپتەستىك مۇمكىندىكتەرى شەكتەۋلى ادامدار ءۇشىن تەگىن ءبىلىم بەرۋدىڭ، سونداي-اق ولاردىڭ جۇمىسپەن قامتىلۋلارىنا جاردەمدەسۋدىڭ يگىلىكتى ماقساتى ءۇشىن جالعاساتىن بولادى.


الماتى

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار