وتىرىستىڭ نەگىزگى ماقساتى - تاۋەلسىز جانە ءتيىمدى سوت تورەلىگىن قۇرۋعا باعىتتالعان تۇبەگەيلى وزگەرىستەردى تالداۋعا ارنالدى.
ءىس-شارانى اشقان ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ توراعاسى, «Nur Otan» پارتياسىنىڭ جانىنداعى قۇقىقتىق كەڭەسىنىڭ جەتەكشىسى نۇرلان ءابدىروۆ ءوز سوزىندە:
- قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا. نازارباەۆ باستاماشىلىق ەتكەن سوت جۇيەسىن جاڭعىرتۋ, سوت كادرلارىن ساپالى دامىتۋ مەن جاڭارۋ, سۋديالار تاۋەلسىزدىگى كەپىلدىكتەرىنىڭ كۇشەيۋى جانە سۋديالارعا زاڭسىز ىقپال ەتۋدى جويۋ, سوت جۇكتەمەسىن وڭتايلاندىرۋ جانە قىلمىستىق زاڭنامانى ودان ءارى ىزگىلەندىرۋ ماسەلەلەرى بويىنشا زاڭنامالىق اكتىلەرگە ماڭىزدى وزگەرىستەر مەن تولىقتىرۋلاردى كەيىنگى جىلدارى ەلىمىزدىڭ پارلامەنتى قابىلداعانى جونىندە ەرەكشە اتاپ ءوتتى.
سونىمەن قاتار, ن. ءابدىروۆ ناعىز قۇقىق ۇستەمدىگىن قامتاماسىز ەتۋ كەز كەلگەن سوت-قۇقىقتىق جۇيەنىڭ ماڭىزدى ماقساتى ەكەنى تۋرالى ايتتى.
- وسىعان وراي ەلباسى نۇرسۇلتان نازارباەۆتىڭ جانە مەملەكەت باسشىسى قاسىم-جومارت توقاەۆتىڭ تاپسىرماسى بويىنشا سوتتار جۇمىسىنىڭ زاماناۋي فورماتتارىن جانە وزىق ەلەكتروندىق سەرۆيستەردى ەنگىزۋ, سوت جۇيەسى كادرلارىن ساپالى دامىتۋ جانە جاڭارۋ بويىنشا جۇمىستار جالعاستىرىلىپ جاتىر, - دەدى دەپۋتات.
سونداي-اق, حالىقتىڭ سوتتارعا دەگەن سەنىمنىڭ دەڭگەيىن كوتەرۋ - سوتتاردىڭ تاياۋ ۋاقىتتاعى باسىمدى ماقساتى رەتىندە بەكىتۋى ۇسىنىلدى.
كوشپەلى وتىرىس بارىسىندا سوت جۇيەسىنىڭ ودان ءارى دامۋى, سوت ءىس جۇرگىزۋدى جەتىلدىرۋ اياسىندا زاڭنامالىق جاڭالىقتاردىڭ پراكتيكالىق ماڭىزى, القابيلەر ينستيتۋتىن جانە تەرگەۋ سۋديالاردىڭ قىزمەتىن ودان ءارى جەتىلدىرۋ, سوتتاردىڭ قۇقىق قولدانۋ قىزمەتىن جەتىلدىرۋدىڭ ماسەلەلەرى جانە بولاشاعى, قىلمىستىق سوت ءىس جۇرگىزۋدە زاڭنامالىق جاڭالىقتاردى قولدانۋ تاجىريبەسى, سۋديانىڭ تاۋەلسىزدىگى قاعيداتى جانە قىلمىستىق ءىس بويىنشا باستى سوت تالقىلاۋدىڭ شەكتەرى, پارلامەنت ماجىلىسىندە قارالىپ جاتقان قازاقستان رەسپۋبليكاسىنىڭ اكىمشىلىك راسىمدىك-پروتسەستىك كودەكسى جوباسىنىڭ وزەكتىلىگى جانە تاعى باسقا ماسەلەلەر تالقىلاندى.
وتىرىستا سوت جۇيەسىن دامىتۋ, سوتتاردىڭ قىزمەتىن ماتەريالدىق-تەحنيكالىق قامتاماسىز ەتۋدى جاقسارتۋ, تسيفروۆيزاتسيا جانە ەلەكتروندىق ءىس جۇرگىزۋدى ەنگىزۋ, سوت تورەلىگىن جۇرگىزۋدىڭ اشىقتىعى مەن تيىمدىلىگى, ازاماتتاردىڭ سوت تورەلىگىنە كەدەرگىسىز قول جەتكىزۋ سياقتى بىرقاتار كوكەيكەستى ماسەلەلەر كوتەرىلدى.
ءىس-شاراعا جوعارعى سوت القاسىنىڭ توراعاسى جانە سۋديالارى, وبلىستىق سوتتاردىڭ, نۇر-سۇلتان, الماتى, شىمكەنت قالالارىنىڭ توراعالارى (بەينەكونفەرەنتسيا), سونداي-اق, ماڭعىستاۋ, اقتوبە, اتىراۋ جانە باتىس قازاقستان وبلىستىق, قالالىق, ماماندىرىلعان سوتتاردىڭ سۋديالارى, باس پروكۋراتۋرا, مەملەكەتتىك قىزمەت ىستەرى جونىندەگى اگەنتتىگى, سىبايلاس جەمقورلىققا قارسى ءىس-قيمىل اگەنتتىگى, ىشكى ىستەر جانە ادىلەت مينيسترلىكتەرى, قازاقستانداعى بۇۇ بالالار قورى (يۋنيسەف) وكىلدىگى, م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ وكىلدەرى, قازاقستاندىق قۇقىقتانۋشى-عالىمدار, «اتامەكەن» ۇلتتىق كاسىپكەرلەر پالاتاسىنىڭ, ۇكىمەتتىك ەمەس ۇيىمداردىڭ وكىلدەرى قاتىستى.
كوشپەلى وتىرىسىنىڭ ناتيجەلەرى بويىنشا قاتىسۋشىلارمەن قازاقستاننىڭ سوت جۇيەسىن جاڭعىرتۋ سالاسىندا ناقتى ۇسىنىستاردى قامتيتىن ۇسىنىمدار ازىرلەندى.
