ساياسات • 21 ماۋسىم، 2019

الماتىدا 30 جىلدان كەيىن اشىلاتىن «ۋاقىت كاپسۋلاسىن» سالدى

212 رەت كورسەتىلدى

بۇگىن ەلىمىزدىڭ تۇڭعىش پرەزيدەنتى نۇرسۇلتان نازارباەۆ كەلەشەك ۇرپاققا ارنالعان جولداۋى بار «ۋاقىت كاپسۋلاسىن» سالدى، دەپ حابارلايدى قازاقستان رەسپۋبليكاسى پرەزيدەنتىنىڭ رەسمي سايتى.

قازاقستاننىڭ تۇڭعىش پرەزيدەنتى راسىمگە قاتىسۋشىلار الدىندا سويلەگەن سوزىندە قازاقستاندىقتاردىڭ بولاشاق ۇرپاعى ءۇشىن بۇل جولداۋدىڭ ەرەكشە ءمانى بار ەكەنىن ايتتى.

– تاۋەلسىزدىك جىلدارىندا قازاقستاننىڭ باعىندىرعان بەلەستەرى از ەمەس. اعا بۋىن بۇگىنگى جاستاردىڭ باقىتتى ءومىر ءسۇرۋى ءۇشىن ءبىزدىڭ قانداي قيىن كەزەڭدەردى باستان وتكەرگەنىمىزدى جاقسى بىلەدى. ءبىز ەلىمىزدىڭ يگىلىگى ءۇشىن جۇمىس ىستەدىك. قازاقستاندى الەمگە تانىتتىق، – دەدى ەلباسى. 

نۇرسۇلتان نازارباەۆ قازاقستاندىقتاردىڭ قازىرگى ۇرپاعىنىڭ كەلەشەك ءوسىپ-وركەندەۋى ءۇشىن زور مۇمكىندىكتەرى بار ەكەنىن اتاپ ءوتتى.

– مەن ءوز ماقساتىمىزعا قول جەتكىزگەنىمىز ءۇشىن وتە قۋانىشتىمىن. بۇل كاپسۋلا 30 جىلدان كەيىن اشىلادى. وسى جىلدار ىشىندە كوپ نارسە بولۋى مۇمكىن. بىراق، قازاقستان جانە ونىڭ ازاماتتارى ءوز دامۋ جولىمەن ىلگەرىلەۋىن جالعاستىرا بەرەتىن بولادى، – دەدى قازاقستاننىڭ تۇڭعىش پرەزيدەنتى.

سوڭىندا ەلباسى قازىرگى جاستاردىڭ قازاقستاندى نىعايتىپ، وركەندەتۋ ءۇشىن ەڭبەك ەتە بەرەتىنىنە سەنىم ءبىلدىردى. 


 الماتى

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ۇقساس جاڭالىقتار