دوستىق ۇيىندە وتكەن جيىندا وبلىستىق كواليتسيا مۇشەلىگىندەگى ساياسي پارتيالار جەتەكشىلەرى مەن بەلسەندىلەرى, ۇەۇ مەن قوعامدىق بىرلەستىكتەر باسشىلارى قاتىستى.
جيىندى اشقان «Nur Otan» پارتياسى وبلىستىق فيليالى توراعاسىنىڭ ءبىرىنشى ورىنباسارى اقمارال ءالنازاروۆا قازىرگى تاڭدا قازاقستان دامۋدىڭ جاڭا داۋىرىنە قادام باسقانىن ايتتىپ, ۇلىقتاۋ راسىمىندە مەملەكەت باسشىسى اتاپ كورسەتكەن بيلىك پەن قوعامنىڭ الدىندا تۇرعان ەڭ نەگىزگى ماقساتتارعا توقتالىپ ءوتتى.
- پرەزيدەنت ۇلىقتاۋ راسىمىندە حالىقتىڭ ءال-اۋقاتىن ارتتىرىپ, ەكونوميكالىق جانە ساياسي جۇيەمىزدىڭ دامۋىنا تىڭ سەرپىن بەرەتىن ناقتى باعىتتاردى اتاپ كورسەتتى. ولار: حالىقتىڭ تابىسىن ارتتىرۋ, سىبايلاس جەمقورلىقتى جويۋ, سوت جانە قۇقىق قورعاۋ جۇيەسىن رەفورمالاۋ, جاڭا جۇمىس ورىندارىن اشۋ, تۇرعىن ءۇي ماسەلەسىن شەشۋ, ادىلەتتى الەۋمەتتىك ساياسات, وڭىرلەردى دامىتۋدىڭ جاڭا باعدارى, «رۋحاني جاڭعىرۋ» باعدارلاماسىن جالعاستىرۋ, جاۋاپتى سىرتقى ساياسات, جاستارعا جان-جاقتى قولداۋ كورسەتۋ. بۇل پرەزيدەنتىڭ ساباقتاستىقتى, ادىلدىكتى جانە ورلەۋدى ماقسات ەتكەن سايلاۋالدى باعدارلاماسىندا دا ايقىن كورسەتىلگەن. ءبىز مىندەتتى تۇردە بۇل ماقساتقا جەتەمىز. باستى مىندەتىمىز – ەلباسى ستراتەگياسىن بىرىگىپ جۇزەگە اسىرۋ! – دەدى اقمارال ءالنازاروۆا.
جيىن بارىسىندا كواليتسيا مۇشەلىگىندەگى ساياسي پارتيالار جەتەكشىلەرى مەن بەلسەندىلەرى, ۇەۇ مەن قوعامدىق بىرلەستىكتەر باسشىلارى دا ءوز وي پىكىرلەرىن ورتاعا سالدى.
ءىس-شارا سوڭىندا كولايتسيا وكىلدەرى سىربويىلقتاردى ىنتىماققا, بىرلىككە جانە قازاقستاندىق دامۋ جولىنىڭ باستى قۇندىلىقتارى – قوعامدىق كەلىسىم مەن ساياسي تۇراقتىلىقتى, ەتنوسارالىق جانە كونفەسسياارالىق بەيبىتشىلىك پەن توزىمدىلىكتى ساقتاۋعا, بارلىق قوعامدىق-ساياسي كۇشتەردى سايلاۋدان كەيىنگى كەزەڭدە ەلىمىزدىڭ ستراتەگيالىق ماقساتتارى جولىندا بىرىگۋگە, قازاقستان پرەزيدەنتىنىڭ ەل دامۋىنىڭ وزەكتى ماسەلەلەرىنە قاتىستى بيلىك پەن ازاماتتىق قوعام اراسىندا تۇراقتى جانە كونسترۋكتيۆتى ديالوگ قۇرۋ باستاماسىن قولداۋعا شاقىرعان ۇندەۋ قابىلداندى.
قىزىلوردا وبلىسى
