جاقىندا شيەلى اۋدانى دوسبول اۋىلىنىڭ ءۇش ازاماتى وسى كۇدىكپەن اۋرۋحاناعا جاتقىزىلدى. ءتىرى ادام تىرشىلىگىن جاسايدى. ءۇش جاعدايدا ازاماتتار باۋ-باقشا جۇمىستارىن اتقارىپ جۇرگەندە بولعان. جالپى, كەنەنى زالالسىزداندىرۋ جۇمىستارى ەرتە كوكتەمدە باستالىپ, قاۋىپتى ايماقتار دارىلەنگەن بولاتىن.
تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى ءاليا ابدىقايىموۆا كەنە شاققان ازاماتتار تۇراقتى ەم الىپ جاتقاندىعىن ايتادى.
- تەك قانا قان كلينيكالىق زەرتحانالىق سىناما ناتيجەلەرىنە بايلانىستى جانە كەنە شاعۋ فاكتىسى ورىن العاندىقتان كونگو-قىرىم گەموراگيالىق قىزباسىنىڭ بولجامدى جاعدايى دەگەن, كۇدىكتى جاعدايى دەگەن دياگنوز قويىلىپ, بۇگىنگى كۇنى باقىلاۋعا الىنىپ, مەديتسينالىق ەم تاعايىندالىپ جاتىر,-دەدى ول.
كۇن قىزعان سايىن كەنە شاعۋ وقيعالارى جيىلەيتىندىگى بەلگىلى. بۇل باياعى قوي تەرىسىنە جابىسىپ, تاياقپەن شۇقىپ تاستايتىن زيانسىز كەنە ەمەس, قاۋىپتى كەنە. سوندىقتان, ابايلاماسقا بولمايدى.
قىزىلوردا
