ۇبت ناتيجەلەرى بۇگىن شامامەن ساعات 18.00-دە بەلگىلى بولادى. ولاردى http://edu.gov.kz/ ءبىلىم مينيسترلىگى سايتىنان, @edugovkz.bot تەلەگرامم-بوت ارقىلى نەمەسە باللدارى بار كەستەلەر ىلىنەتىن تاپسىرۋ ورىندارىندا بىلۋگە بولادى.
وبلىستا ۇبت وتكىزۋ ءۇشىن 15 بەكەت ساقاداي-ساي ازىرلەندى. ولاردا 122 كابينەت, ونىڭ ىشىندە 19 قوسالقى بولمە ورنالاسقان. ولاردىڭ بارلىعى دا جەلدەتكىشتەرمەن جانە اۋا سالقىنداتقىش قۇرىلعىلارمەن جابدىقتالعان.
قاراعاندى وبلىسىندا اتالعان سىناق ءۇشىن ارنايى 200 بەينەباقىلاۋ كامەراسى, 123 ۇيالى بايلانىستى وشىرەتىن قۇرىلعىلار جانە 50 مەتالل ىزدەگىش دايىندالدى.
اتا-انالار مەن باقىلاۋشىلار ءۇشىن ۇبت بەكەتتەرىندە ونلاين-بەينە تارالىلىم ۇيىمداستىرىلادى.
جالپى, قاراعاندى وبلىسىندا تەست سىناقتارىن تاپسىرۋعا 5 380 تۇلەك ءوتىنىش بەرگەن.
وڭىردە ۇلتتىق بىرىڭعاي تەستىلەۋ ماۋسىم ايىنىڭ 21-30 كۇندەرى ارالىعىندا وتەدى.
قاراعاندى وبلىسى
