پرەزيدەنت • 20 ماۋسىم، 2019

نۇرسۇلتان نازارباەۆ «ۇشقوڭىر» سپورت كەشەنىنىڭ اشىلۋ راسىمىنە قاتىستى

322 رەتكورسەتىلدى

بۇل تۋرالى قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ ءباسپاسوز قىزمەتى حابارلادى.

ەلباسى ءوڭىردىڭ بارشا تۇرعىندارىن «ۇشقوڭىر» سپورت كەشەنىنىڭ اشىلۋىمەن قۇتتىقتاپ، بوي كوتەرگەن نىساننىڭ جاستاردى تاربيەلەۋ جانە دەنە شىنىقتىرۋ ىسىندەگى ماڭىزىن اتاپ ءوتتى.

– ءبىز بۇگىن اۋدانداعى بىرەگەي سپورت كەشەنىن اشتىق. دەنى ساۋدىڭ – جانى ساۋ. قازىرگى زاماندا دەنى ساۋ ادام عانا تابىسقا جەتەدى. سوندىقتان، ءبىز بۇل نىساندى جاستارىمىز ءۇشىن ارنايى سالدىق، – دەدى قازاقستاننىڭ تۇڭعىش پرەزيدەنتى.

نۇرسۇلتان نازارباەۆ وڭىرلەردە الەۋمەتتىك ينفراقۇرىلىمدى دامىتۋ ءۇشىن «تۋعان جەر» باعدارلاماسىن جۇزەگە اسىرۋدىڭ ماڭىزدىلىعىنا توقتالدى.

– ءبىزدىڭ بالالىق شاعىمىزدا سپورتپەن شۇعىلدانۋ ءۇشىن مۇنداي جاعداي بولمادى. ال، قازىر جاستار ءۇشىن بارلىق مۇمكىندىك بار. كوپتەگەن تابىستى ازاماتتارىمىز تۋعان اۋىلى مەن اۋداندارىنا قولداۋ كورسەتەدى دەپ ويلايمىن. جاڭا سپورت كەشەنىندە جاتتىعاتىنداردىڭ اراسىنان بولاشاق چەمپيوندار شىعادى دەپ سەنەمىن. مەنىڭ وتباسىم جانە جاقىندارىم وسى سپورت كەشەنىن ارنايى سىزدەردىڭ يگىلىكتەرىڭىز ءۇشىن سالدى. سىزدەرگە زور دەنساۋلىق، اماندىق جانە باق-بەرەكە تىلەيمىن. بارشاڭىزدى تاعى دا سپورت كەشەنىنىڭ اشىلۋىمەن قۇتتىقتايمىن! – دەدى ەلباسى.

سپورت كەشەنىندە بوكس، كۇرەس جانە ترەناجەر زالدارى، ءجۇزۋ باسسەينى، تەننيس كورتى، كوپفۋنكتسيونالدى زالدار جانە باسقا دا سپورت ينفراقۇرىلىمدارى بار.


سوڭعى جاڭالىقتار

تەرمينگە ساۋاتتىلىق كەرەك

قوعام • بۇگىن، 15:33

ەرلىكتى ەل ءبىلۋى ءتيىس!

قوعام • بۇگىن، 08:53

ساپارداعى سىر

رۋحانيات • بۇگىن، 08:51

اعالاردىڭ جاس شاعى

100 • بۇگىن، 08:42

اقاڭنىڭ اماناتى

رۋحانيات • بۇگىن، 08:40

ءجۇز جىل

100 • كەشە

ۇقساس جاڭالىقتار