20 ماۋسىم، 2019

ەلجان ءبىرتانوۆ: ءمامس دەنساۋلىق ساقتاۋ سالاسىن قارجىلاندىرۋ دەڭگەيىن ارتتىرۋعا كومەكتەسەدى

226 رەتكورسەتىلدى

بۇل تۋرالى مەديتسينالىق ساقتاندىرۋ قورىنىڭ مۇرىندىق بولۋىمەن وتكەن اشىق پىكىرتالاستا دەنساۋلىق ساقتاۋ ءمينيسترى ەلجان ءبىرتانوۆ مالىمدەدى.

«مەملەكەت دەنساۋلىق ساقتاۋ سالاسىنا ياعني، حالىققا كورسەتىلەتىن تەگىن مەديتسينالىق قىزمەتتەرگە جىل سايىن ءبىر تريلليون تەڭگەگە جۋىق قارجى بولەدى. 2017 جىلى سالاعا جالپى مەملەكەت پەن ازاماتتاردىڭ جەكە شىعىندارىن قوسقاندا 1 ترلن 759 ملرد تەڭگە شىعىن جۇمسالعان. ونىڭ 40 پروتسەنتى نەمەسە 550 ملرد تەڭگەسى – حالىقتىڭ «قالتاسىنان» شىققان قاراجات. ياعني، ازاماتتاردىڭ جەكە شىعىندارى 2010 جىلمەن سالىستىرعاندا 3 ەسە ارتقان. كەلەر جىلدان باستاپ ەنگىزىلەتىن ساقتاندىرۋ جۇيەسى وسى شىعىنداردىڭ ءوسۋ قارقىنىن تومەندەتۋگە كومەكتەسەدى»، دەدى مينيستر.

ايتۋىنشا، ساقتاندىرۋ ارقىلى ءومىر بويى قارجى تاپشىلىعىنىڭ زاردابىن تارتىپ كەلە جاتقان كونسۋلتاتيۆتىك-دياگنوستيكالىق قىزمەتتەردى قارجىلاندىرۋ دەڭگەيىن ءۇش ەسە ارتتىرامىز. مىسالى، ءبىز قازىر سالالىق ماماننىڭ كونسۋلتاتسياسىنا 700 تەڭگە تولەيمىز، ال، نارىقتا ونىڭ قۇنى شامامەن 5-6 مىڭ تەڭگە تۇرادى. مەملەكەتتىك ەمدەۋ مەكەمەلەرىندە بىلىكتى مامانداردىڭ تۇراقتاماۋ سەبەبى وسىندا. ال، ساقتاندىرۋ جۇيەسى ىسكە قوسىلعاننان كەيىن تاريفتەردى 15 پروتسەنتكە وسىرۋگە مۇمكىندىك تۋادى»، - دەدى ەلجان ءبىرتانوۆ سالاداعى رەفورمالاردى تالقىلاۋعا ارنالعان جيىندا.

بىراق بۇل مەديتسينالىق قىزمەت باعاسى قىمباتتايدى دەگەن ءسوز ەمەس. تاريف تەك مەملەكەت پەن ەمدەۋ مەكەمەلەرىنىڭ اراسىنداعى پروتسەدۋرا، دەپ قوستى ول.

سونىمەن قاتار، باعاسى قىمبات بولىپ كەلەتىن قىزمەتتەردىڭ كولەمى دە ارتپاق.

«قازىر ءبىز مەملەكەتتىك تاپسىرىس شەڭبەرىندە جاسالاتىن وپەراتسيالارعا بەلگىلى ءبىر شەكتەۋ قويۋعا ءماجبۇرمىز. ليميتتەن ارتىق وتاعا اقشا تولەي المايمىز. ال، مەديتسينالىق ساقتاندىرۋ ەنگىزىلگەننەن كەيىن مەملەكەتتىك تاپسىرىستى وسىرەمىز»، دەپ اتاپ ءوتتى مينيستر.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار