قوعام • 20 ماۋسىم، 2019

ءال-فارابي اتىنداعى قازۇۋ الەمنىڭ ۇزدىك ۋنيۆەرسيتەتتەرىنىڭ قاتارىنا ەندى

259 رەت كورسەتىلدى

ءال-فارابي اتىنداعى قازۇۋ ورتالىق ازيا جوو-لارىنان جالعىز بولىپ QS «World University Rankings» حالىقارالىق رەيتينگىسىندە ەڭ ۇزدىك ۋنيۆەرسيتەتتەر اراسىندا 210 ورىنعا يە بولدى. العا 13 قادام جىلجىپ، 207 ورىندى باعىندىردى. بۇل توپقا پوستكەڭەستىك ايماقتان تەك ەكى ۋنيۆەرسيتەت: قازۇۋ جانە لومونوسوۆ اتىنداعى ماسكەۋ مەملەكەتتىك ۋنيۆەرسيتەتى (رف) ەندى.

QS الەمدەگى ۇزدىك ءبىلىم وردالارىنا كوپ جىلدان بەرى عالامدىق رەيتينگ جۇرگىزىپ كەلە جاتقان بەدەلدى ءارى ىقپالدى، بارلىق ەلدە مويىندالعان حالىقارالىق اگەنتتىك. رەيتينگىدە العاشقى ءۇش ورىندى اقش ۋنيۆەرسيتەتتەرى: ماسساچۋسەتس تەحنولوگيالىق ينستيتۋتى، ستەنفورد جانە گارۆارد ۋنيۆەرسيتەتتەرى يەلەنگەن.

قازۇۋ ەلىمىزدىڭ جەتەكشى ۋنيۆەرسيتەتى رەتىندە تۇڭعىش پرەزيدەنت – ەلباسى نۇرسۇلتان نازاربەۆ العا قويعان الەمنىڭ ەڭ ۇزدىك 200 ۋنيۆەرسيتەتىنىڭ ساناتىنا ەنۋ بويىنشا ماڭىزدى مەملەكەتتىك مىندەتتى جۇزەگە اسىرۋ ءۇشىن ماقساتتى تۇردە جۇمىس ىستەۋدە. سوڭعى بەس جىلدا ۋنيۆەرسيتەت «QS WUR» رەيتينگىندە 400 ساتىدان استام بەلەسكە كوتەرىلدى. الەمدىك تاجىريبەدە بىردە-ءبىر جوو مۇنداي ءوسۋ قارقىنىنا كول جەتكىزگەن ەمەس! QS ساراپشىلارىنىڭ ۇسىنىسى بويىنشا قازۇۋ تاجىريبەسى الەمدەگى جەتەكشى ۋنيۆەرسيتەتتەردە زەرتتەلۋدە. مۇنداي كورسەتكىش ءبىلىم بەرۋ مەن عىلىمنىڭ الەمدىك نارىعىنداعى ۋنيۆەرسيتەتتىڭ جوعارى باسەكەگە قابىلەتتىلىگىنىڭ دالەلدى ايعاعى.

ايتا كەتۋ كەرەك، «QS WUR by Subject» پاندىك رەيتينگىنىڭ ناتيجەسىندە قازۇۋ تمد ەلدەرى جوعارى وقۋ ورىندارىنىڭ اراسىندا ءبىرىنشى بولىپ الەمدەگى ەڭ ۇزدىك 51-100 توپقا ەنگەن. جالپى اتالمىش رەيتينگىگە جەتەكشى قازاقستاندىق ۋنيۆەرسيتەتتىڭ التى ماماندىعى كىردى.

عالامدىق عىلىمي-ءبىلىم بەرۋ كەڭىستىگىندەگى قازۇۋ ءرولىنىڭ ارتۋىن ەسكەرە وتىرىپ، QS قازاقستاندا حالىقارالىق فورۋم وتكىزۋدى شەشتى. ۋنيۆەرسيتەتتىڭ عانا ەمەس، سونىمەن قاتار قازاقستاننىڭ بۇكىل جوعارى ءبىلىم بەرۋ جۇيەسىنىڭ الەمدىك بيىك بەدەلىنىڭ كورسەتكىشى بولىپ تابىلاتىن «ادامي مۇرا جانە جوعارى تەحنولوگيالار ۇيلەسىمى نەگىزىندە جەتىلۋ» اتتى الەمدىك دەڭگەيدەگى شارا 2019 جىلدىڭ قىركۇيەگىندە ءال-فارابي اتىنداعى قازۇۋ نەگىزىندە وتەدى.

قازۇۋ باسقا دا بەدەلدى حالىقارالىق رەيتينگتەردە سەرپىلىسپەن العا جىلجۋدا. «Times Higher Education» بريتاندىق اگەنتتىگىنىڭ زەرتتەۋ ناتيجەسى بويىنشا قازۇۋ ورتالىق ازيادا العاش بولىپ الەمدەگى ەڭ ۇزدىك جوو-لار توبىنا كىردى. «UI Green Metric Ranking of World Universities» جاھاندىق رەيتينگىندە قازۇۋ 172 ورىن السا، ەۋروپالىق عىلىمي-ونەركاسىپتىك پالاتاسى ەۋروپالىق رەيتينگىندە قازۇۋ «اا» باعاسىنا يەلەنىپ، جەتەكشى ەۋروپالىق جوعارى وقۋ ورىندارىنىڭ توبىنا ەندى. تانىمال حالىقارالىق «Great Value Colleges» (اقش) ۇيىمىنىڭ زەرتتەۋ ناتيجەسى بويىنشا قازۇۋ الەمنىڭ تەحنولوگيالىق دامىعان ۋنيۆەرسيتەتىنىڭ ىشىندە 31-ءشى ورىندى باعىندىردى.

اۋقىمدى قۇرىلىمدىق مودەرنيزاتسيالاۋ، ناتيجەلەرگە نەگىزدەلگەن مەنەدجمەنتتىڭ جوعارى تيىمدىلىگى جانە سوڭعى بەس جىلدا 50%-عا دەيىن وسكەن بىرەگەي ينفراقۇرىلىمداردىڭ قارقىندى دامۋى قازۇۋ-دىڭ رەيتينگىلەردەگى العا جىلجۋىنىڭ ماڭىزدى فاكتورى بولدى.

ۋنيۆەرسيتەتتىڭ الەمدىك تۇرعىدا تانىلۋى حالىقارالىق ارىپتەستىكتىڭ، ينتەرناتسيوناليزاتسيانىڭ دامۋىمەن، سونىمەن قاتار قازۇۋ-دىڭ بۇۇ «اكادەميالىق ىقپال» باعدارلاماسىنىڭ تۇراقتى دامۋ جونىندەگى عالامدىق حابى رەتىندەگى بەلسەندى قىزمەتىمەن بايلانىستىرۋعا بولادى.


الماتى

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ۇقساس جاڭالىقتار