قر كونستيتۋتسيالىق كەڭەسىنىڭ توراعاسى قايرات ءمامي اتاپ وتكەندەي, كونستيتۋتسيا - ەگەمەندىگىمىزدى پاش ەتەتىن, ازاماتتاعىمىزدى ايقىندايتىن ماڭىزدى قۇجات جانە تاتۋلىقتى تۋ ەتكەن ەلدىگىمىزدىڭ التىن قازىعى. اتا زاڭدى قۇرمەتتەۋ, بۇلجىتپاي ورىنداۋ - العا قويىلعان بيىك ماقساتتارعا قول جەتكىزۋدىڭ العىشارتى. مەملەكەت باسشىسى وكىلەتتىگىنىڭ كوشۋى, قر پرەزيدەنتىنىڭ كەزەكتەن تىس سايلاۋى كونستيتۋتسيانىڭ تالاپتارىنا قاتاڭ سايكەستىكتە ءوتتى.
سونىمەن قاتار ول مەملەكەتتىلىك دامۋىنىڭ جاڭا داۋىرىندە مەملەكەتتىڭ جانە ازاماتتاردىڭ ەڭ باستى مىندەتى كونستيتۋتسيانىڭ ەرەجەلەرى مەن نورمالارىن قۇرمەتتەۋ ءارى جۇزەگە اسىرۋ ەكەنىن ەرەكشە اتاپ ءوتتى.
كونستيتۋتسيالىق باقىلاۋ ورگانىنىڭ جولداۋىندا كونستيتۋتسيالىق كەڭەستىڭ قورىتىندى شەشىمدەرىن ورىنداۋدا جاعىمدى ۇردىستەر بايقالادى.
ماسەلەن, ونىڭ قۇقىقتىق ۇستانىمدارىن ىسكە اسىرۋ ءۇشىن جىل باسىندا زاڭنامادا مەملەكەت مۇقتاجى ءۇشىن م ۇلىكتى كۇشتەپ ايىرۋ كەزىندە ونىڭ قۇنىن وتەۋ بۇرىنعىداي كاداسترلىق نەمەسە شارتتىق ەمەس, نارىقتىق باعاسى بويىنشا جۇزەگە اسىرىلاتىنى بەكىتىلدى. اتقارۋشىلىق ءىس جۇرگىزۋدە كۇشتەپ اكەلۋدى قولدانۋ ءتارتىبى ەگجەي-تەگجەيلى رەتتەلىپ, ونى قولدانۋ پروتسەسىندە مەملەكەتتىك ورگاندار وكىلەتتىكتەرىنىڭ ارا-جىگى اجىراتىلدى. اكىمشىلىك راسىمدىك-پروتسەستىك كودەكستىڭ, حالىقتىڭ كوشى-قونى سالاسىنداعى قوعامدىق قىتاناستاردى رەتتەيتىن زاڭنىڭ جوبالارى, سونداي-اق نورماشىعارماشىلىق پروتسەستى جەتىلدىرۋگە, زاڭنامانى جۇيەلەۋگە جانە قۇقىق قولدانۋدى جاقسارتۋعا باعىتتالعان شارالار ازىرلەندى. زاڭنامالىق اكتىلەردىڭ ءبىر-بىرىنە قايشى كەلەتىن جانە ازاماتتاردىڭ قۇقىقتارى مەن بوستاندىقتارىن بۇزۋعا جاعداي جاسايتىن ەرەجەلەردى الىپ تاستاۋ بويىنشا جۇمىس جالعاسۋدا.
كونستيتۋتسيالىق ءىس جۇرگىزۋ پراكتيكاسىن جانە زاڭنامانى دامىتۋدىڭ قازىرگى زامانعى ترەندتەرىن تالداۋدى ەسكەرە وتىرىپ, كونستيتۋتسيالىق كەڭەس ەلىمىزدە قۇقىقتىق مەملەكەت قاعيداتتارىن نىعايتۋ بويىنشا ناقتى ۇسىنىستار ەنگىزدى. كونستيتۋتسيالىق كەڭەس زاڭنامالىق ءماسسيۆتى كونستيتۋتسيالاندىرۋ دەڭگەيىن ارتتىرۋ قاجەت دەپ سانايدى.
كونستيتۋتسيالىق كەڭەس زاڭنامالىق ءماسسيۆتى كونستيتۋتسيالاندىرۋ دەڭگەيىن ارتتىرۋ قاجەت دەپ پايىمدايدى. ۇسىنىمداردىڭ بىرقاتارى ادام قۇقىقتارىن قورعاۋ ماسەلەسىنە قاتىستى. بۇل ايەلدەردىڭ جانە بالالاردىڭ زاڭدى مۇددەلەرىن قورعاۋدى كۇشەيتتى. وندا مەنشىك قۇقىعىنا قول سۇعىلماۋشىلىق كەپىلدىكتەرىن نىعايتۋ, سوت ءىسىن جۇرگىزۋدىڭ بارلىق تۇرلەرىندە ماجبۇرلەۋ شارالارىن قولدانۋ ءتارتىبىن جەتىلدىرۋ, قىلمىستىق پروتسەستە جەكەشە ايىپتاۋ ىستەرى بويىنشا جابىرلەنۋشىلەردىڭ قۇقىقتارىن كەڭەيتۋ جانە باسقا دا ۇسىنىستار قامتىلعان. قايرات ءمامي سوتتاردىڭ قولدانىسقا ەنگىزىلگەن قۇقىقتىق اكتىلەردىڭ كونستيتۋتسيالىلىعىن تەكسەرۋ تۋرالى ۇسىنىستارمەن كونستيتۋتسيالىق كەڭەسكە جۇگىنۋ مۇمكىنشىلىگىن كەڭىنەن پايدالانۋ قاجەتتىگى تۋرالى ايتتى.
