ۇبت-نىڭ العاشقى كۇنىندە 13 مىڭ بالا تەست تاپسىرىپ جاتىر. جالپى تەستىلەۋدى وتكىزۋ 9 كۇنگە جوسپارلانعان. ۇبت-نى بارلىعى 117 242 تۇلەك تاپسىرادى. بۇگىن نۇر-سۇلتان قالاسىنداعى وسى ۋنيۆەرسيتكە 600 بالا كەلىپ وتىر. ولار ارنايى 10 اۋديتورياعا بولىنگەن.
«ۇلتتىق بىرىڭعاي تەست تاپسىرۋدىڭ ءوز ەرەجەسى بار. سول ەرەجەگە سايكەس كوميسسيالارىمىز جۇمىس ىستەيدى. ارينە كەلەڭسىز جاعدايلاردى بولدىرماي, ولاردىڭ الدىن الۋىمىز كەرەك. ماسەلەن, تەلەفون, باسقا نارسەلەر الىپ كىرسە, وندا وعان تىيىم سالىپ, توقتاتۋىمىز كەرەك. بىراق بۇل پسيحولوگيالىق احۋالدى وزگەرتپەۋى ءتيىس. سونداي تاپسىرما بەرىپ وتىرمىز», دەدى اسحات ايماعامبەتوۆ.
ءمينيستردىڭ ايتۋىنشا, بارلىق تۇلەكتەردىڭ تەستىلەۋ كەزىندە وزدەرىن ەركىن ۇستاۋ ءۇشىن تولىق مۇمكىندىكتەردى جاسالعان. بارلىق تارتىپتەر مينيسترلىك پەن مەملەكەتتىك كوميسسيا باقىلاۋىنا الىنعان. تەستىلەۋ اشىق, ءادىل جانە وبەكتيۆتى تۇردە وتكىزىلەتىندىگىن, پسيحولوگيالىق تۇرعىدان دايىن ەكەندىگىن ايتتى. تەست سۇراقتارىن جاتتاندىلىقتان ارىلۋ ءۇشىن وتىز پايىزعا جاڭارتىلعانىن مالىمدەدى. اتا-انالارعا سابىر ساقتاپ, بالالارىنا سەنۋ كەرەكتىگىن جەتكىزدى. ايتا كەتەيىك, اتا-انالارعا ارنايى ۆيدەوزاللدا 10 مونيتور ورناتىلعان. وندا ولار ەركىن وتىرىپ, تەستىلەۋ بارىسىن باقىلاي الادى.
ەۇۋ جۋرناليستيكا فاكۋلتەتى ستۋدەنتى
