قاسىم-جومارت توقاەۆقا قازاقستان حالقى اسسامبلەياسىنىڭ قازىرگى جۇمىستارى, ۇيىمنىڭ XXVII سەسسياسىندا بەرىلگەن تاپسىرمالاردىڭ جۇزەگە اسىرىلۋ بارىسى, سونداي-اق ەلىمىزدەگى ەتنوسارالىق قاتىناس سالاسىنداعى جاعدايلار جونىندە باياندالدى.
قازاقستان پرەزيدەنتى اسسامبلەيانىڭ جۇرگىزىپ جاتقان جۇمىستارى ءۇشىن ج.تۇيمەباەۆقا ريزاشىلىق ءبىلدىردى.
– قازاقستان حالقى اسسامبلەياسىنىڭ بەلسەندى جۇمىسى, سونىڭ ىشىندە پرەزيدەنت سايلاۋى بارىسىنداعى ەڭبەگى ءۇشىن, ريزاشىلىق بىلدىرەمىن. قازاقستان حالقى اسسامبلەياسى قوعامىمىزدىڭ بىرلىگىن ساقتاۋ ءۇشىن ماڭىزدى جۇمىس اتقارىپ كەلەدى, – دەدى مەملەكەت باسشىسى.
سونىمەن قاتار, ج.تۇيمەباەۆ مەملەكەت باسشىسىنا قازاقستان حالقى اسسامبلەياسى مەن قازاقستان رەسپۋبليكاسى كونستيتۋتسياسىنىڭ 25 جىلدىعىنا ارنالعان ءىس-شارالار جوسپارىنىڭ ازىرلەنۋ بارىسى تۋرالى مالىمدەدى.
كەزدەسۋ قورىتىندىسى بويىنشا قازاقستان پرەزيدەنتى بىرقاتار ناقتى تاپسىرما بەردى.
