كاميليا راشيتقىزى ءۇش جىلدان بەرى تاتار ورتالىعىندا ايرىقشا ەڭبەك ەتىپ كەلەدى. قالالىق دوستىق ۇيىندە «جاستار مەن بالالار اراسىنداعى ەتنيكا ارالىق جانە كونفەسسيا ارالىق قارىم-قاتىناستىڭ قالىپتاسۋى» دەگەن تاقىرىپتا دوڭگەلەك ۇستەل ۇيىمداستىرسا, وعان سەمەيدەگى مەملەكەتتىك مەديتسينا ۋنيۆەرسيتەتى, شاكارىم ۋنيۆەرسيتەتى, قازيگزۋ ستۋدەنتتەرى ەرەكشە اتسالىستى. سپيكەرلەر رەتىندە الەۋمەتتناۋ Phd-ءى مۇحتار ابدىلكاكىموۆ, «REVIVAL 7» جوباسىنىڭ جەتەكشىسى اسقار سادىقوۆ, قالاداعى جاستار ءماسليحاتىنىڭ دەپۋتاتى اناتولي كالينكيندەر ءسوز سويلەدى.
-دوڭگەلەك ۇستەل بارىسىندا قازاقستانداعى تاتۋلىق پەن دوستىقتى ناسيحاتتاۋ تۋرالى جاستارىمىزعا كەڭىنەن اقپارات بەردىك,-دەدى كاميليا راشيتقىزى,-سول سياقتى جاستارىمىزبەن بىرگە ەڭبەك ەتىپ جۇرگەن ۇلكەندەرىمىزدى دە ۇمىتپايمىز. تاتار ورتالىعى جاقىندا №1 ن.گ. چەرنىشەۆسكي اتىنداعى ورتا مەكتەپ ديرەكتورى مارسەل گارافۋدين ۇلىن 60 جاسقا تولۋ مەرەيتويىمەن قۇتتىقتادىق. قازاقستانداعى تاتارستاننىڭ توتەنشە جانە وكىلەتتى ەلشىسى دەنيس ۆالەەۆتىڭ ارنايى قۇرمەت گراموتاسىن تابىستادىق.
كاميليا يسمايلوۆانىڭ ايتۋىنشا, الداعى ۋاقىتتا سابانتوي كەلە جاتىر. جانە رەسەيدەگى, دۇنيەجۇزىندەگى تاتار باۋىرلارىمەن تىعىز بايلانىستا بولۋ دا جوبالارىندا بار جۇمىس.
راۋشان نۇعمانبەكوۆا
سەمەي
