ايماقتار • 18 ماۋسىم، 2019

مەديتسينالىق مەكەمەلەردىڭ جابدىقتالۋىنا 5،2 ملرد تەڭگە بولىنگەن

200 رەت كورسەتىلدى

سوڭعى جىلدارى تۇركىستان وبلىسىنىڭ دەنساۋلىق سالاسىندا وڭ وزگەرىستەر بايقالۋدا. وعان شىمكەنتتىڭ رەسپۋبليكالىق ماڭىزى بار قالالار ساناتىنا جاتقىزىلىپ، وڭتۇستىك قازاق­ستان وبلىسىنىڭ اكىمشىلىك ورتالىعى تۇركىستانعا كوشىرىلگەن اكىمشىلىك-اۋماقتىق قۇرىلىم وزگەرىسى وڭ اسەرىن تيگىزدى. مى­سالى، تۇركىستان وڭىرىندە سوڭعى 7-8 جىلدىڭ كولەمىندە ءىرى ەمحانالار سالىنباعان ەكەن. ال بيىل جەتىساي، مىرزاكەنت، اتاكەنت، ساي­رام مەن كەنتاۋدا قۇرىلىسى ءجۇرىپ جاتقان بەس ەمحانا ەل يگىلىگىنە پايدالانۋعا بەرىلمەك. ولاردىڭ ءاربىرى ءبىر اۋىسىمدا 500 پاتسيەنتكە قىزمەت كورسەتۋگە قاۋقارلى. كەلەسى جىلى وسىنداي ەمحانا شاردارا اۋدانىندا ىسكە قوسىلادى.

ايتا كەتكەن ءجون، جاڭا وبلىس­تىڭ دەنساۋلىق سالا­سىن­داعى قۇرىلىمدىق ءوز­گەرىستەرى تۇرعىن­داردىڭ مە­ديتسينالىق قىزمەت الۋىنا كەدەرگى بولعان جوق. وب­لىس ورتالىعىندا بىرقاتار مەديتسينالىق مەكەمە اشىلدى. اتاپ ايتقاندا، وبلىستىق مە­ديتسينالىق جەدەل ءجار­دەم ستانساسى­ قۇ­رىلىپ، ونىڭ اۋدان-قالا­لار­داعى في­ليال­­دارى ءىس­كە قوسىلدى. سون­داي-اق وب­لىس­تىق سپيد ور­تالىعى اشىل­دى.­ ون­كو­لو­گيالىق ديسپانسەر شىم­كەنت قالالىق مەكەمەسىنە اي­­نال­عان سوڭ وب­لىستىق كلي­نيكالىق اۋرۋ­حاناسى بازاسىندا ون­كو­لوگيالىق ەمحانامەن بىرگە ناۋقاستاردىڭ جاتىپ ەم قابىلداۋىنا ىڭعاي­لى بولۋى ءۇشىن ارنايى ءبولىم قىزمەت كورسەتە باستادى. اۋدان­­دىق اۋرۋحانالار بازالارىندا ينفەكتسيالىق بولىمشەلەر قۇ­رىلدى. وب­لىس اكىمى ومىرزاق ءشو­كەەۆ دەنساۋلىق ساقتاۋ سا­لا­­سى­نا قولداۋ كورسەتىپ، قىز­مەت ساپاسىن ارتتىرۋ ماق­سا­تىندا 1 ميلليارد تەڭگە بولدىرگەن. ول قارجىعا الىن­عان 500 توڭازىتقىش اۋدان-قالالارداعى مەديتسي­نا­لىق­ مەكەمەلەرگە بەرىلىپ­تى. سون­داي-اق اۋدان ورتالىق­تارىندا ىستەمەي تۇرعان جە­دەل­ساتىلار قايتا قو­سى­­لۋدا، ازىرگە 12 اۋدانعا ليفت الىنعان. جىل سوڭىنا دەيىن ءبارى جاڭالانباق. بۇ­دان بولەك، وب­لىستىق مە­دي­تسينالىق جەدەل ءجار­دەم­ ستانساسىنا، اۋداندىق اۋرۋ­­حانالارعا، بارلىعىن قوسقاندا 46 جەدەل جاردەم كولىگى بەرىلەدى. بۇگىنگى تاڭدا قارجى قارالىپ، ساتىپ الۋ پروتسەسى ءجۇرىپ جاتىر.

وبلىستىق دەنساۋلىق ساق­­تاۋ باسقارماسىنىڭ باسشى­سى مۇقان ەگىزباەۆتىڭ ايتۋىنشا، مەديتسينا ۇيىمدا­رىنىڭ جابدىقتالۋى –
68،75 %. بيىل مەديتسينالىق ۇيىم­داردىڭ ماتەريالدىق-تەح­نيكالىق جابدىقتالۋىنا 5،2 ملرد تەڭگە بولىنگەن. «وعان ءتۇر­كىستان قالالىق ور­تالىق اۋرۋ­حاناسىندا كوم­پيۋتەرلى توموگراف ساتىپ الىپ ورنا­­تۋدا­مىز. تاياۋدا اتالعان ەمدەۋ مەكە­مەسىندە ينسۋلت ور­تالىعىن ءىس­كە قوساتىن بولامىز.  وبلىس ور­تالىعىندا بۇرىن مۇنداي مەدي­تسينالىق اپپارات بولماعان. سوسىن ءدال وسىنداي توموگراف شاردارا اۋداندىق ورتالىق اۋرۋحاناسىندا دا ورناتىلىپ، ەل يگىلىگىنە بەرىلەتىن بولادى. ول جەردە دە ينسۋلت ورتالىعى جۇمىسىن باستايدى. قازىر بىزدە 7-8 اۋداندا كومپيۋتەرلى توموگراف بار، ينسۋلت ورتالىقتارى تۇرعىندارعا قىزمەت كور­سەتۋدە. مۇنىڭ ءبارى سوڭعى جىلدارى ات­قارىلعان شارۋا­لار، پاتسيەنتتەرگە جاسالعان جاعدايلار»، دەيدى باس­قارما باسشىسى.

سونداي-اق اۋداندىق اۋرۋحانالاردىڭ جان­ساقتاۋ بولىمشەلەرى ەۆل، ناركوز، لاپوروسكوپيالىق اپپاراتتارمەن قامتىلۋدا. بيىلدان باس­تاپ وبلىستاعى اۋدانداردىڭ جار­تىسى­نان كوبىندە وتالار لاپوروس­كوپيالىق ادىستەرمەن جاسالاتىن بولادى. ياعني تىلمەي، كەسپەي جاسالاتىن وتالاردى ەندى اۋدانداردا دا جاساۋعا ءمۇم­كىندىك بار. وڭىردەگى بار­لىق ەم­حانالار مەن اۋرۋحا­نالاردا اقپاراتتاندىرۋ جۇيەسى 100 پايىز ەنگىزىلگەن. وب­لىس تۇر­­­عىندارىنىڭ  ەلەك­­تروندى دەنساۋلىق پاس­پورت­تارى جاساق­تالعان.

جوعارىدا ايتىپ وتكە­نىمىزدەي، تۇركىستان قالا­سىندا جانە اۋدانداردا دەن­ساۋ­لىق ساقتاۋ نىساندارى كوپتەپ سالىنا باستادى. مى­سالى، وبلىس ورتالىعىندا 610 توسەك-ورىندى كوپسالالى اۋرۋحانا سالىنادى. مە­ديتسي­نالىق كەشەندەگى قۇ­رال-جابدىقتار ەۋرو­پالىق ۇلگىدە بولماق. ءبۇ­گىند­ە كە­شەن­نىڭ جوبالىق-سمە­تالىق قۇجاتتارى ازىرلەنۋ ءۇس­تىندە، جەر تەلىمى بولىنگەن. بۇ­دان بولەك، تۇركىستاندا وبلىس­تىق پسيحيكالىق دەنساۋلىق ور­تا­لىعى عيماراتى بوي كو­­­تەرەدى. جاڭادان قۇ­­­­رىل­عان قان ورتالىعى، مەدي­تسي­نالىق جە­دەل جاردەم ستان­­ساسى جانە وب­لىستىق سپيد ورتالىعىنىڭ عي­ماراتتارىمەن قاتار تاعى ءبىر ءۇل­كەن ەمحانانىڭ قۇرىلىسى باس­تالماق. ال ورداباسى اۋدانىندا وبلىستىق تۋبەركۋلەزگە قار­سى ديسپان­سەر سالىنادى. شار­دارا، جە­تىساي، ماقتاارال، كەلەس، سارىاعاش اۋداندارىنىڭ 800 مىڭ تۇر­عىنىنا ءبىر پەري­ناتالدى ور­تالىق قاجەت­تىگى ەسكە­رىلىپ، بۇل نىسان سا­رى­­اعاشتا بوي كوتەر­مەك. ءبۇ­­گىن­دە وبلىستىق پەرينا­تالدىق ورتالىققا جەر تەلى­مى بەلگىلەنگەن، جوبالىق-سمە­تالىق قۇجاتتارى دايىندالۋدا. وسى جىلدىڭ ەكىنشى جارتىسىندا ىرگەتاسىن قالاۋ كوزدەلىپ وتىر.

قولجەتىمدى مەديتسينامەن­ شالعاي اۋىلداردىڭ تۇرعىن­دارىن قامتۋ ءۇشىن 64 مودۋل­دىك مەديتسينالىق پۋنكت­تەر ورنا­تىلعان. بيىل دا قۇراس­تى­رىلمالى 20 مەدپۋنكت سالىنباق. بۇدان باسقا، كە­لەس، قازىعۇرت اۋداندىق اۋرۋ­­حانالارىنىڭ ەمحانالارىنا قوسىمشا عيماراتتار سالۋ قولعا الىنادى. ءويت­كەنى وبلىستا ءالى دە ەمدەۋ مەكەمەلەرى جەتىسپەيدى. سو­سىن زامانعا لايىقتى، مەديتسينا تالاپتارىنا ساي عي­ما­راتتاردى سالۋمەن قاتار ولاردى بىلىكتى، كاسىبي ماماندارمەن قامتۋ دا ماڭىزدى. بۇل باعىتتا 100-گە جۋىق ءدا­رىگەر بىلىكتىلىگىن ارتتىرۋ ءۇشىن مەديتسيناسى جاقسى جول­عا قو­يىلعان الىس جانە جاقىن شەتەل­دەردىڭ كليني­كالارىندا تاجىريبە الماسىپ قايتقان. سون­داي-اق دەن­ساۋلىق ساقتاۋ باسقار­ماسىنىڭ شاقىرتۋىمەن وڭ­تۇستىك كورەيا، موڭعوليا، گەر­مانيا، لاتۆيادان عالىمدار، بىلىكتى ماماندار جەرگىلىكتى ءدارى­گەرلەرگە ءدارىس وقۋدا. ولار شە­بەر­لىك سىنىپتارىن وتكىزىپ، ءتۇر­كىستاندىق ماماندارمەن بىرگە پاتسيەنتتەردى دە قابىلداپ ءجۇر. وسىنداي جانە باسقا دا يگىلىكتى ىستەردىڭ ناتيجەسىندە وڭىردە جال­پى ءولىم-ءجىتىم كورسەتكىشى ءتو­مەن­­دەگەن. وبلىستىڭ بارلىق مەد­يتسينا ۇيىمدارىندا جۇ­مىس ىستەپ جاتقان ىشكى اۋديت، مەدي­تسينالىق كومەك ساپاسىن باسقارۋ قىزمەتتەرى دە ساپانى ارتتىرۋعا سەپتىگىن تيگىزۋدە.

ايتا كەتەلىك، بۇگىندە وبلىس بويىنشا 4903 دارىگەر حا­لىققا قىزمەت ەتىپ كەلەدى.  ال ورتا بۋىن مەديتسينا قىز­مەتكەرلەر سانى – 17 115. ماماندىقتار بو­يىنشا ءوڭىر­دە 135 دارىگەر جەتىس­پەيدى. بۇل ورايدا وتكەن جىلى جاس مامانداردى ىنتالاندىرۋ جۇمىستارى قولعا الىنعان-دى. اۋىلعا باراتىن جاس مامانداردى قارجىلاي قولداۋ كولەمى بىلتىرعى 1 ميل­ليون تەڭگەدەن بيىل 1،5 ميل­ليون تەڭگەگە جەت­كىزىلگەن. سو­نى­مەن قاتار ولاردى باس­پانامەن قامتۋ جانە كوم­مۋنالدىق تولەمدەرىنىڭ 50 پايى­زىن تولەپ بەرۋ جۇمىس­تارى جال­عاسۋدا.


تۇركىستان وبلىسى


سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار