اقيقات – جەڭىس! جالعان – جەڭىلىس! ءبىز جالعان ۇرانعا, جالعان پاتريوتتىققا, جالعان ۇلتشىلدىققا قاراپايىم حالىقتى ارانداتپاۋىمىز كەرەك.
شىندىق – شابان ات سياقتى, اسىقپايدى. ويتكەنى ول – شىندىق, ونىڭ جولى دا كۇردەلى. ال وتىرىكتىڭ جولى جەڭىل, جەلدەي ەسەدى, تەز تارايدى.
ەندىگى جەردە مەملەكەت باسشىسىنىڭ العا قويعان ارمان - ماقساتىنا بىرگە قول جەتكىزۋ. بىرگە جۇمىلىپ ءىس باستاۋ. داۋى بىتپەيتىن ۇيدەن بەرەكە قاشاتىنى سياقتى الاڭعا شىعىپ, قانشا ايقايلاعانمەن بىزگە ەشكىم ەشتەڭە ورناتىپ بەرمەيدى. ءوزىمىز جانىمىزدى جالداپ, ەلدىڭ ەرتەڭىنە بىلەك سىبانىپ بىرگە قىزمەت جاساۋىمىز كەرەك. بالالىعى قالماعان ۇلتتىڭ وپ-وڭاي ۇتىلاتىنىن ۇمىتپاعان ابزال.
«جۇيرىكتىڭ ءبىر ءمىنى بار – جورعامەن قاتار جۇرمەيدى» دەيدى ءبىزدىڭ حالىق.
ق.توقاەۆتىڭ بولمىس-ءبىتىمى, قۇندىلىقتى تانۋ ءداستۇرى, جاڭاشىلدىعى – بولەك تۇلعا. بۇگىنگى قازاق بالاسى, بىزدەر, اسىرەسە جاستار ۇيرەنەتىن ءداستۇر بار تابيعاتىندا. ول مەملەكەتشىلدىك سانا.
پرەزيدەنتىمىز مەملەكەت يميدجىنە دەپ جۇمسالاتىن قاراۋسىز قارجىعا بىردەن تىيىم سالدى. الەۋمەتتىك سالاعا باسا نازار اۋدارىپ وتىر. اقيقاتتى تازا ادام عانا ايتسا جاراسادى, حالىق تا سوعان يلانادى.
ساياساتتا جۇيرىكتەر از, جورعالار كوپ. ءبىز حالىقتىڭ تاڭداۋىمەن بايگەدەن وزىپ كەلگەن پرەزيدەنتىمىزدىڭ العا قويعان باستامالارىنا ساتتىلىك تىلەپ, سەنىم ارتامىز. ءبىز ءوزىمىز تاڭداۋ جاساعان پرەزيدەنتىمىزبەن بىرگەمىز!
روزا مۇقانوۆا,
قازاقستاننىڭ ەڭبەك سىڭىرگەن قايراتكەرى
