«جىل سايىن ۇمىتكەرلەردىڭ تەڭ جارتىسى عانا تەستىلەۋدەن كەرەكتى بالدى جيناي الادى. مىسالى, بىلتىر 2 642 ادام تەستىلەۋگە قاتىسسا, سونىڭ 1450, ياعني 55 پروتسەنتى شەكتىك كورسەتكىشتى كورسەتە الدى. بۇل تەستىلەۋ ساتىلارى كوپتەگەن قىزمەتشىلەر ءۇشىن كەدەرگى, جەرگىلىكتى جەرلەردەگى مەملەكەتتىك ورگاندار ءۇشىن ماماندار جەتىسپەۋىنىڭ سەبەبىنە اينالعانىن بىلدىرەدى. سوندىقتان وسى ماسەلەلەردىڭ شەشىمى تابۋ ماقساتىندا اگەنتتىكتىڭ كەلىسىمىن الا وتىرىپ, وبلىس اكىمىمەن بىرلەسىپ, ارقالىق قالاسىنان تەستىلەۋ ورتالىعىن اشۋدى ءجون كوردىك» دەدى سالاۋات سىيلىباي ۇلى.
ارقالىق قالاسىنداعى تەستىلەۋ ورتالىعى ءۇش ءوڭىردى, ياعني تورعاي وڭىرىندەگى امانگەلدى, جانگەلدين, ارقالىق قالاسىنىڭ توڭىرەگىمەن قاتار, اقمولا وبلىسىنىڭ ارقالىقپەن شەكتەس ەسىل, دەرجاۆين, جاقسى اۋداندارىن, قاراعاندى وبلىسىنىڭ ۇلىتاۋ ادۋدانىن قامتيتىن بولادى, سول وڭىردەگى مەملەكەتتىك قىزمەتشىلەر الىستان اربالاماي, جاقىن جەردە تەستىلەۋدەن وتەتىن بولادى. قازىر ورتالىق زالى ورنالاساتىن عيماراتتا جوندەۋ جۇمىستارى ءجۇرىپ جاتىر.
