قازاقستان رەسپۋبليكاسىنىڭ پرەمەر-ءمينيسترى اسقار مامين قر جاڭا مادەنيەت جانە سپورت ءمينيسترى اقتوتى رايىمقۇلوۆانى تانىستىردى.
ۇكىمەت باسشىسى ارىستانبەك مۇحامەدي ۇلىنا مادەنيەت, سپورت, تۋريزم سالالارىنىڭ دامۋىنا قوسقان ۇلەسى ءۇشىن العىس ءبىلدىردى.
«ارىستانبەك مۇحامەدي ۇلى – تاجىريبەسى مول باسشى. مينيستر قىزمەتىندە بەس جىل ىشىندە قارقىندى جۇمىس ىستەپ, وسى سالانىڭ وزەكتى ماسەلەلەرىن شەشۋگە قاتىستى ناتيجەلى جۇمىستاردى اتقاردى», — دەدى اسقار مامين.
ءوز كەزەگىندە, ا. مۇحامەدي ۇلى قر تۇڭعىش پرەزيدەنتى – ەلباسى نۇرسۇلتان نازارباەۆقا جانە مەملەكەت باسشىسى قاسىم-جومارت توقاەۆقا تۋريزم, مادەنيەت جانە سپورت سالالارىن دامىتۋدىڭ مەملەكەتتىك باعدارلامالارىن ىسكە اسىرۋداعى وزىنە ارتىلعان سەنىم مەن كورسەتكەن قولداۋلارىنا العىسىن جەتكىزدى.
اسقار مامين قر مادەنيەت جانە سپورت مينيسترلىگىنىڭ ۇجىمىنا جاڭا باسشىنى تانىستىرۋ بارىسىندا اقتوتى رايىمقۇلوۆانىڭ اتالعان سالاداعى جوعارى بىلىكتىلىگىن اتاپ ءوتىپ, ۆەدومستۆو الدىنا قويىلعان ماقساتتارعا قول جەتكىزۋدە تابىس تىلەدى. ا. رايىمقۇلوۆا مادەنيەت جانە سپورت مينيسترلىگىنىڭ قۇرىلىمىندا 6 جىلعا جۋىق ۋاقىت جۇمىس ىستەپ كەلەدى, 2016 جىلعى قازاننان باستاپ ۆيتسە-مينيستر قىزمەتىن اتقارعان.
