قىتايتانۋ ينستيتۋتىنىڭ نەگىزگى ماقساتى – قازاقستان رەسپۋبليكاسىمەن ديپلوماتيالىق قارىم-قاتىناس ورناتقان ستراتەگيالىق ارىپتەس ەل – قىتاي حالىق رەسپۋبليكاسىنىڭ تاريحىن, مادەنيەتىن, سالت-ءداستۇرىن, ەكونوميكالىق-الەۋمەتتىك دامۋ ەرەكشەلىگىن, الەمدەگى ورنىن زەردەلەپ, عىلىمي بايىپتاۋ. رەسمي بەيجىڭنىڭ شىعىس جانە وڭتۇستىك ازيا, تايۆان, باتىس ەۋروپا, تۇركى, يسلام دۇنيەسى, ورتالىق ازيا ەلدەرىمەن قارىم-قاتىناسىن ساراپتاۋ. سونداي-اق قحر-دىڭ ءوز ىشىندەگى ەتنوسارالىق, دىنارالىق, ەكونوميكالىق, الەۋمەتتىك, ساياسي ماسەلەلەردى, بۇگىنگى قالپى مەن بەتالىسىن بولجامداپ, اقپارات كوزدەرى مەن جالپى وقىرمانعا انىق ەتىپ جەتكىزۋ.
ينستيتۋتتىڭ مادەني
باعداردا جوسپارلاعان جۇمىستارى دا ەداۋىر. مىسالى, قىتاي مۇراعاتتارىنداعى ەجەلگى
تۇركى, قازاق تايپالارى تاريxى مەن مادەنيەتىنە قاتىستى دەرەكتەردى ىزدەۋ, جيناۋ,
جۇيەلەۋ جانە باسىپ شىعارۋ.
ايگىلى قىتاي عالىمدارى جازعان ەجەلگى تۇركى, بايىرعى قازاق تاريxى مەن مادەنيەتى تۋرالى
زەرتتەۋلەردى, قىتاي (xانزۋ) ۇلتىنىڭ تۇسىنىك-تانىمىن, تالعام-پاراساتىن قازاقستان
جۇرتشىلىعىنا كەڭىنەن تانىستىرۋ. قىتاي ادەبيەتى ۇلگىلەرىن قازاق تىلىنە اۋدارۋ.
ەكى جاقتىڭ مادەني-رۋحاني, عىلىمي-زەرتتەۋشىلىك قارىم-قاتىناسىنا لايىقتى جاعداي
تۋعىزۋ.
اتالعان ينستيتۋتتىڭ باسشىسى بولىپ بەلگىلى قىتايتانۋشى, فيلولوگيا عىلىمدارىنىڭ دوكتورى, اقىن, دۇنيەجۇزى سينولوگتار قوعامىنىڭ مۇشەسى دۇكەن ءماسىمحان ۇلى تاعايىندالدى. عالىمنىڭ وسى اياداعى زەرتتەۋ كىتاپتارى, اۋدارمالارى, وقۋ قۇرالدارى, سوزدىكتەرى وقىرمانعا, عىلىمي قاۋىمعا ءمالىم.
